1 يوحنا 4:20 - ثريفيث 2020

²⁰ ونِّي يقَّارن قَا نش تخْسغ أَربِّـي نتَّا يتْعِيفَّا ؤُمَاس، أَتَاف نتَّا ذ بُو-يخَرِّيقن وَاهَا إِݣ يدْجَا. مَايمِّي؟ ونِّي وَار يتخْسن شَا ؤُمَاس إِݣ يࢲرّ، أَتَاف وَار يزمَّر شَا اَذ يخس أَربِّـي إِي وَار يࢲرّ شَا.

1 يوحنا 4:20 Σταυροειδείς Αναφορές

يوحنا 13:35

مڒَا كنِّيو تْحِبِّيم اَيَاوْيَا، أَتَاف اَذ سّْنن مَارَّا قَا كنِّيو ذ يمحْضَارن ينُو."

1 بطرس 1:8

ثْحِبّم-ث وَاخَّا وَار ث ثࢲْرِيم شَا. أَقَا ثُوْمْنم زَّايس وَاخَّا وَار ث تْوِيڒِيم شَا ڒخُّو. كنِّيو ثْعمَّرم س يِجّن ن ڒفْرَاحث ذ ثَمقّْرَانْت وَار ثْزمَّرم شَا اَت ثْشَرّْحم.

1 يوحنا 1:6

مڒَا نقَّار قَا نشِّين نْتمْعَاشَر اَكِذس وَلَكِن نݣُّوْر ذݣ وبْرِيذ ن ثَادْجسْت اَتَاف نسْخَرِّيق وَاهَا وَار نسْخدِّيم شَا لْحَقِيقَا.

1 يوحنا 1:8

مڒَا نقَّار وَار ذَايْنغ بُو ڒْمُعْصِيَاث اَتَاف نسْخَرِّيق خ يِيخف نّغ وَاهَا، أَتَاف لْحَقِيقَا وَار ذَايْنغ ثْزدّغ شَا.

1 يوحنا 2:11

ونِّي يتْعِيفَّان ؤُمَاس اَتَاف نتَّا عَاذ أَقَاث ذِي ثَادْجسْت اَتَاف يݣُّوْر ذِي ثَادْجسْت. وَار يسِّين شَا مَانِي يݣُّوْر ڒَاحقَّاش ثَادْجسْت نِّي ثسْضَاغڒ-يث زِي ثِيطَّاوِين نّس.

1 يوحنا 2:4

ونِّي إِي غَا ينِين قَا نش سّْنغ-ث وَار يتْطِيعِي شَا إِ ڒُوْصِيَاث نّس اَتَاف نتَّا ذ بُو-يخَرِّيقن وَاهَا، أَتَاف لْحَقِيقَا وَار ذَايس ثْزدّغ شَا.

1 يوحنا 2:9

ونِّي يقَّارن نش اَقَايِـي ذِي نُّوْر نتَّا يتْعِيفَّا ؤُمَاس، أَتَاف نتَّا يدْجَا عَاذ ذِي ثَادْجسْت.

1 يوحنا 3:17

ونِّي غَار يدْجَا وَاݣْڒَا ن دُّنشْت-أَ يتْوَاڒَا ؤُمَاس وَار غَارس شَا يتحْذَاجَا أُوْشَا يسقْسح ؤُڒ نّس خَاس، مَامّش غَا ثِيڒِي ڒمْحِبّث ن أَربِّـي ذݣ وَانِيتَا؟

1 يوحنا 4:12

وَار ذِنِّي حَدّ عمَّارْص يࢲْرَا أَربِّـي. وَلَكِن نشِّين مڒَا نتْخس اَيَاوْيَا اَتَاف أَربِّـي يزدّغ ذَايْنغ، ڒمْحِبّث نّس ثجِّيون زَّايْنغ.