1 يوحنا 3:20 - ثريفيث 2020

²⁰ مڒَا عَاقْبنْت-اَنغ لْأَفْكَار ن وُوْڒَاون نّغ اَتَاف مَعْلِيش، أَقَا أَربِّـي ذ اَمقّْرَان خ لْأَفْكَار ن وُوْڒَاون نّغ قَا يفهّم مَارَّا ثِمسْڒَايِين.

1 يوحنا 3:20 Σταυροειδείς Αναφορές

يوحنا 21:17

ينَّا-ٱس عِيْسَى وِيس ثڒْت مَرَّاث: "آ سِمْعَان آ مِّيس ن يُوْحَنَّا، مَا تخْسذ-اَيِي؟" ئِقّس-اَس ڒْحَاڒ إِ بُطْرُس ڒَاحقَّاش ينَّا-ٱس-ث وِيس ثڒْت مَرَّاث، شك مَا تخْسذ-اَيي؟ ينَّا-ٱس: "آ سِيذِي، شك ثسّْنذ كُڒْشي. ثسّْنذ قَا نش تخْسغ-ش." ينَّا-ٱس عِيْسَى: "سشّ يحُوْڒِيْين ينُو.

يوحنا 8:9

وَامِي سْڒِين إِ وَاوَاڒ-أَ بْذَان ؤُݣُّوْرن ئِج-يج، ئِوسُّوْرَا ذ يمزْوُوْرَا. ئِقِّيم عِيْسَى وَاحْذس نتَّا ذ ثمْغَارْث نِّي ثْبدّ زَّاثس.

ڒخذايم 5:33

وَامِي سْڒِين إِ وَاوَاڒَ-أَ خيّْقن غضْبن رزُّوْن اَثن نْغن.

أيث-روما 8:34

وِي يزمَّرن اَخَاسن يحْكم؟ ؤُڒَا ذ يجّن! لِأَنَّا نتَّا عِيْسَى لْمَسِيح إِݣ يمُّوْثن. أُو كْتَار، يكَّر-د زِي ڒْموْث أُو ذ نتَّا إِي يدْجَان خ وفُوْسِي ن أَربِّـي، ئِتْشَافَاعن ذَايْنغ.

1 أيث-كورينث 4:4

نش ضَّمِير ينُو مرْتَاح إِي يدْجَا، وَلَكِن نش مَا بَرِيء إِي دْجِيغ عْلَاحْسَاب ضَّمِير ينُو؟ لَّا، ذ سِيذِي أَربِّـي إِي ذَايِي غَا يُوْشن ڒْحُكم-أَ.

ثبرات غار تيتوس 3:11

ثسّْنذ إِلَّا بْنَاذم-أَ يعصَّا ذ اَمْعوَّاج، لْعِقَاب نّس خ يِيڒِي نّس.

يعيبرانيين 4:13

وَار ذِنِّي ؤُڒَا ذ يجّن ن ثْمسْڒَايْث زِي مِين د يتْوَاخڒْقن ثْنُوْفَّار زِي أَربِّـي. قَاع ثِمسْڒَايِين تْوَافضْحنْت-يد تْوَاظْهَارنْت-يد إِ ثِيطَّاوِين ن ونِّي ؤُمِي غَا نُوْش ڒحْسَاب نّغ.

يعيبرانيين 6:13

شُوْف، وَامِي أَربِّـي يوْعذ بْرَاهِيم خ ڒْعَهذ نِّي، ئِجُّوْدْج أَربِّـي اَذ يشّ يخف نّس. مَايمِّي؟ لِأَنَّا وَار ذِنِّي حَدّ يمْغَر كْتَار زِي أَربِّـي.

1 يوحنا 3:19

أَمنِّي إِي غَا نسّن بلِّي نشِّين زِي لْحَقِيقَا، أَمنِّي عَاوذ أَ نسْريّح ؤُڒَاون نّغ زَّاث إِ أَربِّـي.

1 يوحنا 3:21

آي يمْعِيزّن ينُو، مڒَا وَار ذَانغ تْعَاقِيبن شَا وُوْڒَاون نّغ اَتَاف اَغَارْنغ ثِيڒِي يجّن ن زْعَامث زَّاث إِ أَربِّـي،

1 يوحنا 4:4

كنِّيو آ يحنْجِيرن، زِي أَربِّـي إِي ثدْجَام. ئِثَرَّاسن-أَ ثْغڒْبم-ثن ڒَاحقَّاش ونِّي يدْجَان ذَايْوم يمْغَر خ ونِّي يدْجَان ذِي دُّنشْت-أَ.

لواحي ن يوحنا 2:23

أَذ نْغغ ثَارْوَا نّس. أَذْ سّْنن مَارَّا ثِجُمَاع ن ڒْمُوْمِنِين بلِّي ذ نش إِݣ يتْميَّازن مِين ذَايس ذِي ڒَعْقڒ ذ وُوْڒ. كُڒ يجّن زَّايْوم اَذَاس ؤُشغ عْلَاحْسَاب ڒخْذَايم نّس.