1 يوحنا 2:13 - ثريفيث 2020

¹³ آ يبَابَاثن، نش ؤُرِيغ-اَوم-د ڒَاحقَّاش كنِّيو ثسّْنم ونِّي إِي يدْجَان زݣ ومزْوَارُو. آ يعْزْرِيْين، نش ؤُرِيغ-اَوم-د ڒَاحقَّاش كنِّيو ثْغڒْبم خ لْمُفْسِد نِّي. آ يحنْجِيرن، نش ؤُرِيغ-اَوم-د ڒَاحقَّاش كنِّيو ثسّْنم بَابَاثْنغ.

1 يوحنا 2:13 Σταυροειδείς Αναφορές

أَسڒْمذ ن سِيذِيثْنغ عِيْسَى لْكِتَاب ن مَتَّى 11:27

ئِمُّوْش-ٱيِي كُڒْشِي زِي بَابَا. وَار يسِّين حَدّ مِين يعْنَا مِّيس منْغِير بَابَاس. وَار يسِّين حَدّ مِين يعْنَا بَابَاس منْغِير مِّيس. بَابَاس، أَث سّْنن غِير يِنِّي ؤُمِي يخس مِّيس اَذَاسن ثِيذ يسْمظْهَار.

أَسڒْمذ ن سِيذِيثْنغ عِيْسَى لْكِتَاب ن مَتَّى 13:19

ئِجّن يتْسْڒَا إِ وَاوَاڒ خ ڒْمُلْك وجنَّا وَار ث يتفْهِيم شَا. يعْنِي نتَّا اَم زَّرِّيعث نِّي إِݣ يوْضَان خ وبْرِيذ. ئِتْرَاح وعفَّان نِّي ن إِبْڒِيس، يتكّس اَوَاڒ نِّي يتْوَازرْعن ذَايس ذݣ وُوْڒ.

أَسڒْمذ ن سِيذِيثْنغ عِيْسَى لْكِتَاب ن مَتَّى 13:38

أَمَرْجع نتَّا ذ دُّنشْت. زَّرِّيعث ثَصبْحَانْت نتَّاث ذ ثَارْوَا ن ڒْمُلْك وجنَّا. ئِسنَّانن نِثْنِي ذ ثَارْوَا ن وعفَّان نِّي ن إِبْڒِيس.

أَسڒْمذ ن سِيذِيثْنغ عِيْسَى لْكِتَاب ن مَتَّى 5:37

أَذ يِيڒِي وَاوَاڒ نْوم: وَاه نِغ لَّا. مَارَّا مِين غَا ثِينِيم ذ زّْيَادَا، أَتَاف اَࢲْور نّس زِي شِّيطَان.

لوقا 10:22

ئِمُّوْش-اَيِي كُڒْشِي زِي بَابَا. وَار يسِّين حَدّ مِين يعْنَا مِّيس منْغِير بَابَاس. وَار يسِّين حَدّ مِين يعْنَا بَابَاس منْغِير مِّيس. بَابَاس، أَث سّْنن غِير يِنِّي ؤُمِي يخس مِّيس اَذَاسن ثِيذ يسْمظْهَار."

يوحنا 14:7

مڒَا ثسّْنم-اَيِي، أَتَاف اَذ تسّْنم ؤُڒَا ذ بَابَا عَاوذ. قَا ڒخُّو ثسّْنم-ث ثࢲْرِيم-ث."

يوحنا 14:9

ينَّا-ٱس عِيْسَى: "قَاع ڒْوقْث-أَ إِي كِوم كِّيغ عَاذ وَار ذَايِي ثسِّينذ شَا آ فِيلِيپَّـاس؟ ونِّي إِي ذَايِي يࢲْرِين، يࢲْرَا بَابَا. مَايمِّي ذَايِي ثتَّارذ اَذَاوم د سْمظْهَارغ بَابَا؟

يوحنا 16:3

نِثْنِي تݣّن مَانَايَا مِينْزِي وَار سِّينن شَا بَابَا، وَار ذَايِي سِّينن ؤُڒَا ذ نش.

يوحنا 16:33

قَّارغ-اَوم مَانَايَا حمَا اَذ تيْسِيم زَّايِي ڒهْنَا. ذِي دُّنشْت-أَ ثَانِيتَا اَخَاوم ثكّ ذَايس تَمَارَا، وَلَكِن شجّْعث يخف نْوم اَقَا نش ربْحغ دُّنشْت-أَ."

يوحنا 17:21

حمَا اَذ يڒِين مَارَّا ذ يجّن آ بَابَا، أَم شك اَقَاش ذَايِي نش اَقَايِي ذَايك. حمَا اَذ يڒِين نِثْنِي عَاوذ ذ يجّن ذَايْنغ. حمَا اَذ اَمْنن يِوْذَان قَا ذ شك إِي ذَايِي د يسّكّن.

يوحنا 17:3

ثُوْذَارْث ن ڒبدَا ذ ثَا يعْنِي اَش سّْنن بلِّي شك ذ أَربِّـي نِيشَان وَاحْذش، أَذ سّْنن عَاوذ عِيْسَى لْمَسِيح يعْنِي ونِّي إِي ثسّكّذ.

يوحنا 8:19

نَّان-اَس: "مَانِي يدْجَا بَابَاش؟" ينَّا-ٱسن عِيْسَى: "كنِّيو وَار ذَايِي ثسِّينم شَا، وَار ثسِّينم ؤُڒَا ذ بَابَا. مَعْلِيك ذَايِي ثسّْنم اَذ تيڒِي ثسّْنم ؤُڒَا ذ بَابَا."

22 أيث-كورينث 4:6

ذ أَربِّـي إِݣ ينَّان: "نُّوْر اَذ يشعْشع زِي ثَادْجسْت." ذ أَربِّـي-يَا إِݣ يشعْشْعن ذݣ وُوْڒَاون نّغ بَاش أَ نسّن لْعَظَمَا ن أَربِّـي إِݣ يتْشعْشِيعن ذݣ وُوْذم ن عِيْسَى لْمَسِيح.

1 تيموتاوس 5:1

وَار نهَّا شَا يجّن ن ؤُوسَّار س ڒقْسَاحث؛ لَّا، سِيوڒ اَكِذس اَم بَابَاش. ئِحنْجِيرن اݣّ-يثن اَم اَيثْمَاش.

ثبرات غار تيتوس 2:6

أَمُّو عَاوذ إِن-اَسن إِ يحنْجِيرن اَغَارْسن يِيڒِي ڒَعْقڒ نْسن.

1 يوحنا 1:1

مِين تُوْغَا ذِنِّي زݣ ومزْوَارُو، نتْسْڒَا-يَاس نࢲّر-يث س ثِيطَّاوِين نّغ، نخزَّر ذَايس نتْحَاذَا-ث س يفَاسّن نّغ يعْنِي ذ اَوَاڒ ن ثُوْذَارْث.

1 يوحنا 2:1

آ يحنْجِيرن ينُو، تَارِيغ-اَوم-د ثِمسْڒَايِين-أَ حمَا وَار ثْعصِّيم شَا أَربِّـي. وَلَكِن مڒَا نعْصَا-ث اَقَا غَارْنغ يجّن ن لْوَسِيط اَك أَربِّـي بَابَاثْنغ نتَّا ذ عِيْسَى لْمَسِيح ونِّي إِݣ يدْجَان نِيْشَان.

1 يوحنا 2:12

آ يحنْجِيرن، نش ؤُرِيغ-اَوم-د ڒَاحقَّاش ڒْمُعْصِيَاث نْوم تْوَاغْفَرنْت-اَوم س يِيْسم نّس.

1 يوحنا 2:14

آ يبَابَاثن، نش ؤُرِيغ-اَوم-د ڒَاحقَّاش كنِّيو ثسّْنم ونِّي إِي يدْجَان زݣ ومزْوَارُو. آ يعْزْرِيْين، نش ؤُرِيغ-اَوم-د ڒَاحقَّاش كنِّيو ثْجهْذم، أَوَاڒ ن أَربِّـي يزدّغ ذَايْوم، كنِّيو ثْغڒْبم خ لْمُفْسِيد نِّي.

1 يوحنا 3:12

مَاشِي أَ نِيڒِي اَم قَبِيل يدْجَان زِي لْمُفْسِيد نِّي يرُوْح ينْغَا ؤُمَاس. مَايمِّي إِي ث ينْغَا؟ ڒَاحقَّاش ڒخْذَايم نّس نتَّا ذ ثِعفَّانِين، ڒخْذَايم ن وُوْمَاس ذ ثِصبْحَانِين.

1 يوحنا 4:4

كنِّيو آ يحنْجِيرن، زِي أَربِّـي إِي ثدْجَام. ئِثَرَّاسن-أَ ثْغڒْبم-ثن ڒَاحقَّاش ونِّي يدْجَان ذَايْوم يمْغَر خ ونِّي يدْجَان ذِي دُّنشْت-أَ.

1 يوحنا 5:18

نشِّين نسّن بلِّي مَارَّا ونِّي د يخڒْقن زِي أَربِّـي وَار يقِّيم شَا يسْخدَّام ڒْمُعْصِيَاث. مِّيس إِي د يخڒْقن زِي أَربِّـي يحطَّا-ث، وَار ث يتْضَرِّي شَا لْمُفْسِيد.

1 يوحنا 5:20

نسّن عَاوذ اَقَا مِّيس ن أَربِّـي يُوْسَا-د يُوْشَا-ٱنغ ڒفْهَامث بَاش أَ نسّن ونِّي يدْجَان ذ صَّح. نشِّين اَقَانغ ذݣ ونِّي يدْجَان ذ صَّح س مِّيس عِيْسَى لْمَسِيح. وَانِيتَا إِݣ يدْجَان ذ أَربِّـي ن صَّح ذ ثُوْذَارْث ن ڒبْدَا ن ڒبْدَاث.

لواحي ن يوحنا 12:11

غڒْبن-ث اَيثْمَاثْنغ س يذَامّن ن يِزْمَار ذ شْهَاذث نْسن. ثُوْذَارْث نْسن وَار خَاسن ثْعِيزّ شَا، وجْذن اَذ مّْثن.

لواحي ن يوحنا 2:7

صنّط مْلِيح آ ونِّي يتْسْڒَان مِين يقَّار أَرُّوْح ن أَربِّـي إِ ثْجُمَاع ن ڒْمُوْمِنِين. ونِّي غَا يربْحن اَذَاس ؤُشغ اَذ يشّ زِي ثْشجَّارْث ن ثُوْذَارث إِي يدْجَان ذِي جّنّث ن أَربِّـي.