1 يوحنا 2:11 - ثريفيث 2020

¹¹ ونِّي يتْعِيفَّان ؤُمَاس اَتَاف نتَّا عَاذ أَقَاث ذِي ثَادْجسْت اَتَاف يݣُّوْر ذِي ثَادْجسْت. وَار يسِّين شَا مَانِي يݣُّوْر ڒَاحقَّاش ثَادْجسْت نِّي ثسْضَاغڒ-يث زِي ثِيطَّاوِين نّس.

1 يوحنا 2:11 Σταυροειδείς Αναφορές

يوحنا 12:35

ينَّا-ٱسن عِيْسَى: "ذْرُوْسْت ن ڒْوقْث إِي كِذْوم يتِيڒِي نُّوْر. ؤُيُوْرم مَدَامَا عَاذ غَارْوم نُّوْر-أَ حمَا وَار خَاوم د ثْحَرّث ثَادْجسْت. ونِّي يݣُّوْرن ذِي ثَادْجسْت وَار يسِّين مَانِي يݣُّوْر.

يوحنا 12:40

<ئِسْضرْغڒ-يثن زِي ثِيطَّاوِين نْسن، ئِسّقْسح-اَسن ؤُڒَاون نْسن، حمَا وَار تْوِيڒِين س ثِيطَّاوِين نْسن، حمَا وَار فهّْمن س وُوْڒَاون نْسن، بَاش وَار غَارِي د ذوِّيڒن نش اَثن سْݣنْفِيغ.>

22 أيث-كورينث 3:14

نِثْنِي ڒَعْقُوْڒَاث نْسن تْوَاقْسْحن وَار فهّْمن شَا. أَڒ نْهَارَا خْمِي غَا غَرن ذِي ڒْعَهذ نِّي اَقْذِيم تَافن لْتَام نِّي عَاذ ذَايس. لْتَام نِّي وَار يتْوَاكّس شَا، غِير س لْمَسِيح إِي غَا يتْوَاكّس.

22 أيث-كورينث 4:4

يِنِّي وَار يُوْمِينن شَا ڒَعْقُوْڒَاث نْسن يسْطمّص-يثن إِبْڒِيس ونِّي يدْجَان اَم أَربِّـي ن دُّنشْت-أَ زَعْمَا. نِثْنِي وَار زمَّرن اَذ ࢲرن نُّوْر ن لْإِنْجِيل يعْنِي لْعَظَمَا ن لْمَسِيح، نتَّا يدْجَان ذ صِّفث ن أَربِّـي.

ثبرات غار تيتوس 3:3

شُوْف، نشِّين عَاوذ تُوْغَا ذَايْنغ يجّن ن ڒقْفَاڒث، وَار نتْطِيعِي شَا، نتْوَاشمّث، حكّْمنْت خَانغ اَطَّاس ن لْأَنْوَاع ن شّهَاوَاث ذ زّْهُو. تُوْغَا نتْعِيش ذݣ يِجّن ن ڒقْبَاحث ذ ڒحْسذ، عِيفّن-اَنغ يِوْذَان، نتْعِيفَّا اَيَاوْيَا.

2 بطرس 1:9

قَا ونِّي ؤُمِي وَار ذِي دْجِينْت شَا ثِمسْڒَايِين-أَ، أَتَاف نتَّا وَار يتْوِيڒِي شَا مْلِيح غَار ڒݣّْوَاج قَا يتْوَاحْسَاب ذ اَذَرْغَاڒ اَتَاف عَاوذ يتتُّو بلِّي أَربِّـي يغْفَر-اَس ڒْمُعْصِيَاث نّس تُوْغَا يݣَّا زِي قْبڒ.

1 يوحنا 1:6

مڒَا نقَّار قَا نشِّين نْتمْعَاشَر اَكِذس وَلَكِن نݣُّوْر ذݣ وبْرِيذ ن ثَادْجسْت اَتَاف نسْخَرِّيق وَاهَا وَار نسْخدِّيم شَا لْحَقِيقَا.

1 يوحنا 2:10

وَلَكِن ونِّي يتخْسن ؤُمَاس اَتَاف نتَّا يتْعِيش ذِي نُّوْر اَتَاف وَار غَارس مِين ث غَا يغضْڒن.

1 يوحنا 2:9

ونِّي يقَّارن نش اَقَايِـي ذِي نُّوْر نتَّا يتْعِيفَّا ؤُمَاس، أَتَاف نتَّا يدْجَا عَاذ ذِي ثَادْجسْت.

1 يوحنا 3:15

مَارَّا ونِّي إِݣ يتْعِيفَّان ؤُمَاس اَم ونِّي إِݣ ينقّن بْنَاذم. أَقَا كنِّيو ثسّْنم ونِّي إِݣ ينقّن بْنَاذم وَار ذَايس تِيڒِي شَا ثُوْذَارْث ن ڒبْدَا.

1 يوحنا 4:20

ونِّي يقَّارن قَا نش تخْسغ أَربِّـي نتَّا يتْعِيفَّا ؤُمَاس، أَتَاف نتَّا ذ بُو-يخَرِّيقن وَاهَا إِݣ يدْجَا. مَايمِّي؟ ونِّي وَار يتخْسن شَا ؤُمَاس إِݣ يࢲرّ، أَتَاف وَار يزمَّر شَا اَذ يخس أَربِّـي إِي وَار يࢲرّ شَا.

لواحي ن يوحنا 3:17

شك ثْقَّارذ زَعْمَا قَا نش ذ يجّن ن تَّاجَر ݣِّيغ اَطَّاس ن وَاݣْڒَا وَار حْذِيجغ وَالُو. إِيوَا وَار ثسِّينذ شَا قَا شك ذ اَمْقطَّاع ذ اَمغْبُوْن، ذ يمسْعِي، ذ اَذَرْغَاڒ، ذ اَعرْيَان.