1 أيث-كورينث 8:9 - ثريفيث 2020

⁹ وَلَكِن حْضَام يخف نْوم ذِي لْحُرِّيَا-يَا نْوم ثَانِيتَا بَاش وَار ثْغطّْڒم شَا يِنِّي يضعْفن ذِي لْإِيمَان نْسن اَذ وْضَان.

1 أيث-كورينث 8:9 Σταυροειδείς Αναφορές

أَسڒْمذ ن سِيذِيثْنغ عِيْسَى لْكِتَاب ن مَتَّى 18:10

غَارْوم اَذ تْحݣَّرم شَان حَدّ زݣ يمزْيَانن-أَ. قَّارغ-اَوم: لْمَلَائِكَاث نْسن ذݣ وجنَّا ڒبْدَا خزَّرنْت بَابَا يدْجَان ذݣ وجنَّا.

أيث-روما 15:1

فَا نشِّين إِݣ يجهْذن يتْخصَّا-يَانغ أَ نَارْبُو ضُّعف ن يِنِّي وَار يجْهِيذن شَا، مَاشِي أَ نݣّ مِين ذَانغ يتعْجِيبن إِ يِيخف نّغ أُو صَافِي.

1 أيث-كورينث 10:24

وَار رزُّوْث شَا ڒْخِير إِ يِيخف نْوم، رْزُوْم-ث إِ وَاجَّار نْوم.

1 أيث-كورينث 10:28

وَلَكِن مڒَا ينَّا-ٱوم حَدّ قَا مَانَايَا قدّْمن-ث ذ دْبِيحث إِ لْأَصْنَام، وَار ت تتّم شَا. مَانَايَا عْلَاحْسَاب ونِّي إِي ذَاوم ث يقَّارن أُو عْلَاحْسَاب ضَّمِير.

1 أيث-كورينث 10:29

يعْنِي ضَّمِير ن ونِّي إِي كنِّيو يعَرْضن، مَاشِي ذ ضَّمِير نْوم. ڒَاحقَّاش نش مَايمِّي ضَّمِير ن يِجّن نّغْنِي اَذ يحْكم خ لْحُرِّيَا ينُو؟

1 أيث-كورينث 10:32

وَار غطّْڒث حَدّ وَاخَّا نِثْنِي ذ يسْرَائِيْلِيْين نِغ ذ ييُوْنَانِيْين نِغ ذ جْمَاعث ن ڒْمُوْمِنِين ن أَربِّـي.

1 أيث-كورينث 8:10

شُوْف، ونِّي ؤُمِي غَار يدْجَا لْإِيمَان يضْعف. مَعْلِيك يࢲْرِي-ش شك غَارك ثُوْسْنَا زَعْمَا تتّذ ذݣ يِجّن ن زَّاوْيِث ن لْأَصْنَام، إِڒِي ثْشجّْعذ-ث شك حمَا ؤُڒَا ذ نتَّا اَذ يشّ لْمَكْلَا يتْقدَّامن إِ لْأَصْنَام، نِغ لَّا؟

1 أيث-كورينث 8:12

خْمِي ثْعصِّيم اَيثْمَاثْوم تْضَرَّام ضَّمِير نْسن يضعْفن، أَتَاف ذ لْمَسِيح إِي ثْعصَّام.

1 أيث-كورينث 9:22

أَرِّيغ يخف ينُو اَم يِجّن يضْعف غَار يِنِّي يضعْفن بَاش اَتَاف اَثن ربْحغ. أَرِّيغ يخف ينُو ذ مَارَّا إِ مَارَّا يوْذَان بَاش اَذ ݣّغ مَارَّا لْإِمْكَانِيَاث اَذ سْنجْمغ شَا زَّايْسن.

22 أيث-كورينث 11:21

نش تْسذْحِيغ زَعْمَا، نشِّين نضْعف وَار نْزمَّر أَ نخْذم اَمنِّي! قَّارغ نش زَعْمَا س ثُوْبُّوْهْڒِيَا-يَا قَا مڒْمِي مَا يزْعَم حَدّ اَزَّايس يفْتَخَر ؤُڒَا ذ نش اَزَّايس فْتَخَرغ.

22 أيث-كورينث 11:29

مڒَا شَان يِجّن يضْعف، نش مَا وَار تضْعِيفغ شَا؟ مڒَا شَان يِجّن يتْوَاسُوْفغ زݣ وبْرِيذ، نش مَا وَار ذَايِي يتقّس شَا وُوْڒ ينُو؟

22 أيث-كورينث 6:3

وَار نسْرُوْسِي وَالُو ذݣ وبْرِيذ إِ حَدّ بَاش اَث نغْضڒ حمَا وَار تِيفن بُو ڒْعِيب ذِي ڒْخذْمث نّغ.

أيث-ݣلاطيا 5:13

شُوْف آي أَيثْمَا، ئِڒَاغَا-يَاوم-د أَربِّـي بَاش اَذ تِيڒِيم حُرّ. وَلَكِن وَار تجَّاث شَا لْحُرِّيَا-يَا نْوم اَذ تِيڒِي ذ يجّن ن وبْرِيذ إِي زِي غَا ثْسعِّيفم شّهْوث ن طَّبِيعَا ثَعفَّانْت نْوم؛ لَّا، أَذ تْسخَّارم إِ وَايَاوْيَا س ڒمْحِبّث.

أيث-كولوس 2:8

أَرّم-د ڒْبَاڒ نْوم ؤُڒَا ذ يجّن مَا يزمَّر اَكنِّيو يسْخَرْوض س لْفلْسَفَا نِغ س وغدَّاڒ نِّي يخْوَان عْلَاحْسَاب تَّقَالِيد ن بْنَاذم نِغ عْلَاحْسَاب لْقَوَانِين يقْذِيمن ن دُّنشْت-أَ قَا مَاشِي عْلَاحْسَاب لْمَسِيح.

1 بطرس 2:16

عِيْشث اَم يِوْذَان إِي غَار ثدْجَا لْحُرِّيَا وَلَكِن وَار سْتعْمَالث شَا لْحُرِّيَا-يَا نْوم بَاش اَذ تسْنُوْفَّرم شَّرّْ نْوم؛ لَّا، ئِتْخصَّا اَذ تْعِيْشم اَم يخدَّامن ن أَربِّـي.

2 بطرس 2:19

ضمْنن-اَسن يثَرَّاسن-أَ لْحُرِّيَا إِ يِوْذَان وَلَكِن يِـيْنَا بَاب نْسن نتَّا ذ ڒفْنَا. ڒَاحقَّاش مِين يتحْكَامن خ بْنَاذم نتَّا ذ بَاب نّس.

لواحي ن يوحنا 2:14

وَلَكِن عيّْبغ خَاش شَان ثْمسْڒَايِين وَامِي اَكِذش شَان يوْذَان إِي تْبَاعن تَّعْلِيم ن بَلْعَام. نتَّا تُوْغَا يسْڒمَاذ-اَس إ بَارَاك مَامّش غا يݣّ ثَخْشبْث إِ اَيث-إِسْرَائِيل بَاش اَذ شّن دْبِيحث يتْقدَّامن إِ لْأَصْنَام اَذ فسْذن.