1 أيث-كورينث 7:2 - ثريفيث 2020

² وَلَكِن حْسن مڒَا كُڒ يجّن اَغَارس ثِيڒِي ثمْغَارْث نّس، كُڒ يشْتن اَغَارس يِيڒِي ورْيَاز نّس حمَا وَار يتِيڒِي شَا لْفَسَاد.

1 أيث-كورينث 7:2 Σταυροειδείς Αναφορές

أَسڒْمذ ن سِيذِيثْنغ عِيْسَى لْكِتَاب ن مَتَّى 5:32

وَلَكِن نش قَّارغ-اَوم: مَارَّا ونِّي غَا يدْجْفن إِ ثمْغَارْث نّس، نتَّاث وَار ثزْنِي شَا، أَتَاف يتَارَّا-ت ثزْنَا يعْنِي مڒَا ثْعَاوذ ڒمْڒَاش. ونِّي إِي غَا يمڒْشن اَك ثنِّي يدْجْفن، أَتَاف يزْنَا.

1 أيث-كورينث 6:18

اَروْڒث زِي لْفَسَاد. كُڒ ڒْمُعْصِيّث نّغْنِي إِݣ يتݣّ بْنَاذم اَذ تِيڒِي غَار بَارَّا ن دَّات نّس. ونِّي يتݣّن لْفَسَاد يعصَّا دَّات نّس نِّيث.

1 أيث-كورينث 7:1

فَا ڒخُّو أَ نْسِّيوڒ خ ثْمسْڒَايِين إِي خف ثُوْرِيم كنِّيو. مَثَالَان، مْلِيح اَرْيَاز مڒَا وَار يتْحِيذِي شَا ثَمْغَارْث.

1 أيث-كورينث 7:3

أُو لَابُد اَرْيَاز اَذ يُوْش ڒْحَقّ ن ڒمْڒَاش إِ ثمْغَارْث نّس. أَمُّو عَاوذ أُو لَابُد ثَمْغَارْث اَذ تُوْشّ ڒْحَقّ ن ڒمْڒَاش إِ ورْيَاز نّس.

1 أيث-كورينث 7:9

وَلَكِن مڒَا وَار زمَّرن شَا اَذ حكْمن خ شّهْوث نْسن أُو لَابُد اَذ مڒْشن. ڒَاحقَّاش مڒَا مڒْشن حْسن زِي مڒَا قِّيمن حرّْقن ذِي شّهْوث نْسن.

أيث-ؤفسوس 5:28

أَمنِّي كِيف-كِيف لَابُد يرْيَازن اَذ حِبّن ثِمْغَارِين نْسن مَامش تْحِبَّان دَّات نْسن. ونِّي يتْحِبَّان ثَمْغَارْث نّس ذ يخف نّس إِي يتْحِبَّا.

أيث-ؤفسوس 5:33

إِنَّمَا، لَابُد كُڒ يجّن زَّايْوم اَذ يحِبّ ثَمْغَارْث نّس اَم مَامّش يتْحِبَّا يخف نّس. ثَمْغَارْث أُو لَابُد اَذ تْوقَّر اَرْيَاز نّس.

1 أيث-سلونيك 4:4

ئِتْخصَّا اَذ تسّْنم مَامش غَا ثْحكْمم خ دَّات نْوم عْلَاحْسَاب مِين يدْجَان مُقدّس ذَايس اَوقَّار.

1 تيموتاوس 4:3

نِثْنِي اَذ سْبدّن يوْذَان بَاش وَار مدْجْشن شَا، قَّارن-اَسن عَاوذ قَا شَا ن لْمَكْلَاث ممْنُوْع اَثنْت شّن. وَلَكِن لْمَكْلَاث نِّي يخْڒق-يثنْت-يد أَربِّـي اَثنْت نقْبڒ نشِّين إِݣ يتَامْنن نسّن لْحَقِيقَا.