1 أيث-كورينث 7:10 - ثريفيث 2020

¹⁰ فَا يِنِّي يمڒْشن، ئِوصَّا خَاسن سِيذِيثْنغ مَاشِي ذ نش: ممْنُوْع ثَمْغَارْث اَذ تسْمح ذݣ ورْيَاز.

1 أيث-كورينث 7:10 Σταυροειδείς Αναφορές

أَسڒْمذ ن سِيذِيثْنغ عِيْسَى لْكِتَاب ن مَتَّى 5:32

وَلَكِن نش قَّارغ-اَوم: مَارَّا ونِّي غَا يدْجْفن إِ ثمْغَارْث نّس، نتَّاث وَار ثزْنِي شَا، أَتَاف يتَارَّا-ت ثزْنَا يعْنِي مڒَا ثْعَاوذ ڒمْڒَاش. ونِّي إِي غَا يمڒْشن اَك ثنِّي يدْجْفن، أَتَاف يزْنَا.

مرقس 10:2

قَارّْبن-د غَارس شَان يِوْذَان زِي ڒْحِزب ن يفَرِّيسِيْين حمَا اَث جَرّْبن نَّان-اَس: "مَا حَلَال اَذ يدْجف شَان ورْيَاز إِ ثمْغَارْث نّس؟"

لوقا 16:18

مَارَّا ونِّي غَا يدْجْفن إِ ثمْغَارْث نّس يُوْوِي شَان يِشْتن نّغْنِي، أَتَاف يزْنَا. مَارَّا ونِّي إِي غَا يمڒْشن اَك ثنِّي يدْجْفن، أَتَاف يزْنَا."

1 أيث-كورينث 7:11

مڒَا ثَمْغَارْث ثسْمح ذݣ ورْيَاز نّس يتْخصَّا-يَاس وَار تْمدْجش شَا عَاوذ، نِغ اَذ تْمصْڒَاح اَك ورْيَاز نّس. ممْنُوْع عَاوذ اَرْيَاز اَذ يدْجف إِ ثمْغَارْث نّس.

1 أيث-كورينث 7:12

فَا يِنِّي نّغْنِي، قَّارغ-اَسن نش (يعْنِي وَار ت يقَّار شَا سِيذِيثْنغ، غِير نش): مڒَا شَان ؤُمَاثْنغ غَارس ثَمْغَارْث مَاشِي ذ ڒْمُوْمنَا ثقْبڒ اَكِذس ثْعِيش، ممْنُوْع اَذَاس يدْجف.

1 أيث-كورينث 7:15

إِنَّمَا، ونِّي نِغ ثنِّي وَار يُوْمِينن شَا مڒَا يسْمح، صَافِي اَذ يسْمح. يعْنِي ڒْمُوْمن-أَ ذ ڒْمُوْمنَا-يَا غَارْسن لْحُرِّيَا س ظُرُوْف-أَ لِأَنَّا يڒَاغَا-يَاوم-د أَربِّـي اَذ تْعِيشم ذِي ڒهْنَا.

1 أيث-كورينث 7:25

فَا ڒخُّو اَذ سِّيوْڒغ خ ثْحَرْمُوْشِين وَار يمْڒِيشن شَا. وَار غَارِي بُو ڒُوْصِيّث زِي سِيذِيثْنغ؛ لَّا، قَّارغ مَانَايَا س اَرَّاي ينُو. تيّْقم ذَايِي عْلَاحْسَاب اَرَّاحْمث ن سِيذِيثْنغ.

1 أيث-كورينث 7:40

وَلَكِن مَامّش تْوَاڒِيغ نش، أَذ تْفَرح كْتَار مڒَا ثقِّيم مَامّش ثدْجَا. وَاه، تْفكَّرغ بلِّي ؤُڒَا ذ نش اَكِذِي اَرُّوْح ن أَربِّـي ذِي مَانَايَا.

1 أيث-كورينث 7:6

وَلَكِن مَانَايَا مَاشِي ذ يجّن ن ڒُوْصِيّث، قَّارغ-اَوم-ت اَم يِجّن ن تّسْرِيح.