1 أيث-كورينث 4:8 - ثريفيث 2020

⁸ كنِّيو، مَا صَـــافِي غَارْوم مَارَّا مِين تحْذَاجِيم؟ مَا صَـــافِي كنِّيو ثْذوْڒم ذ تْوَاجَر؟ كنِّيو، مَا ذ صَّح ثْذوْڒم ذ يزدْجِيذن بْڒَا نشِّين؟! إِيوَا مشْحَاڒ خْسغ بَاش اَذ يِيڒِي ذ صَّح كنِّيو تحْكَامم حمَا اَذ تْشَرْشم اَكِذْنغ ڒحْكَام نِّي نْوم.

1 أيث-كورينث 4:8 Σταυροειδείς Αναφορές

أَسڒْمذ ن سِيذِيثْنغ عِيْسَى لْكِتَاب ن مَتَّى 5:1

وَامِي يࢲْرَا قَاع ڒْغَاشِي نِّي، يُوْڒِي غَار وذْرَار يقِّيم ؤُسِين-د غَارس يمحْضَارن نّس.

لوقا 6:25

يَا ڒفْضِيحث نْوم آ يِنِّي يجِّيوْنن ڒخُّو، مِينْزِي اَكنِّيو يڒْقف جُّوْع. يَا ڒفْضِيحث نْوم آ يِنِّي يضحْشن ڒخُّو، مِينْزِي اَذ تْخِيّْقم اَذ تْرُوْم.

ڒخذايم 26:29

ينَّا-ٱس بُوْلُس: "س شْوَايْت ن ڒْوقْث ثَا نِغ س وَاطَّاس، نش تتَّارغ زِي أَربِّـي إِ شك ذ يِنِّي إِي ذَايِي يتسْڒَان نْهَارَا اَذ تْذوْڒم اَم نش وَلَكِن بْڒَا سْنَاسڒ-أَ."

أيث-روما 12:3

فَا س لْبَرَكَا إِي ذَايِي يُوْشَا أَربِّـي قَّارغ إِ مْكُڒ يجّن زَّايْوم: وَار حسّب شَا يخف نّش كْتَار زِي مِين ثعْنِيذ. شك فكَّر س ڒَعْقڒ نّش عْلَاحْسَاب مشْحَاڒ ن لإِيمَان إِي ذَاش يُوْشَا أَربِّـي.

1 أيث-كورينث 1:5

زِي نتَّا، يتْوَارْنِي-يَاوم ڒْخِير ذِي كُڒْشِي، يعْنِي ذِي مَارَّا اَوَاڒن ذ ثُوْسْنَا.

1 أيث-كورينث 4:18

فَا ڒبْعَاض زَّايْوم ذَايْسن تَّكبُّر، تْغِير-اَسن نش وَار غَارْوم د تِيسغ شَا.

1 أيث-كورينث 5:6

مَاشِي مْلِيح وَامِي تفْتَخَارم. وَار ثسِّينم شَا إِلَّا غِير ذْرُوْس ن ونْتُوْن إِي د يسْݣَعَّاذن مَارَّا ڒْعَاجْنث ن ورشْثِي؟

22 أيث-كورينث 11:1

إِيوَا رزُّوْغ اَذ تصْبَرم شْوَايْت اَك ثُوْبُّوْهْڒِيَا-يَا ينُو زَعْمَا. وَاه، صبَّرث اَكِذِي لِأَنَّا غَارِي يجّن ن لْغِرَا خَاوم، يعْنِي يجّن ن لْغِرَا زِي أَربِّـي. أَقَا خطْبغ-كنِّيو زَعْمَا إِ يِجّن ن ورْيَاز يعْنِي ذ لْمَسِيح اَكنِّيو اَوِيغ غَارس اَم يِجّن ن ثعْزْرِيْث وَار ذَايس بُو ڒْعِيب.

22 أيث-كورينث 13:9

لِأَنَّا نْفَرّح مڒْمِي مَا نضْعف، كنِّيو تِيڒِيم ثْجهْذم. ذ مَانَايَا مِيخف نْرزُّو ذِي ثْࢲَادْجِيث نّغ اَذ تْصڒْحم نِيشَان.

أيث-ݣلاطيا 6:3

شُوْف، مڒَا شَان ن بْنَاذم يتْفكَّار اَذ يفْتَخَر س يِيخف نّس وَلَكِن نتَّا وَار ذَايس وَالُو، أَتَاف يخدّع يخف نّس.

أيث-فيليـپـي 1:27

لْمُهِيم، سُوْيُورث يخف نْوم ذݣ يِجّن ن وبْرِيذ يتِيشّن لْقِيمَا إِ لْإِنْجِيل ن لْمَسِيح. ثُمَّا وَاخَّا نش ؤُسِيغ-د اَكنِّيو ࢲرغ نِغ غَابغ خَاوم اَتَاف اَخَاوم سْڒغ ڒخْبَار بلِّي ثُوْݣُّوْرم نِيشَان خ يِجّن ن اَرَّاي، ثْخدّْمم فُوْس ذݣ وفُوْس خ سَّبَاب ن لْإِيمَان إِي يدْجَان ذِي لْإِنْجِيل،

أيث-فيليـپـي 2:12

إِذن آي يمْعِيزّن ينُو، مَامش تُوْغَا ثتْطَاعَام ڒبْدَا زِي قْبڒ وَامِي تُوْغَايِي اَكِذْوم، أَمنِّي عَاوذ إِي غَا ذَايِي ثْطَاعم وَامِي خَاوم غَابغ. يعْنِي اَذ تقِّيمم تݣّم لْمجْهُوْد بَاش اَذ تْكمّْڒم مْلِيح ذݣ وسنْجم نْوم س يِجّن ن ثِيݣّْوْذِي ذ يِجّن ن تَرْجِيجِي.

لواحي ن يوحنا 3:17

شك ثْقَّارذ زَعْمَا قَا نش ذ يجّن ن تَّاجَر ݣِّيغ اَطَّاس ن وَاݣْڒَا وَار حْذِيجغ وَالُو. إِيوَا وَار ثسِّينذ شَا قَا شك ذ اَمْقطَّاع ذ اَمغْبُوْن، ذ يمسْعِي، ذ اَذَرْغَاڒ، ذ اَعرْيَان.

لواحي ن يوحنا 5:10

ثݣِّيذ زَّايْسن يجّن ن لْممْلَكَا ن ڒْفُقَهَا إِ أَربِّـي نّغ، أَذ حكّْمن ذِي ثْمُوْرْث."