1 أيث-كورينث 14:2 - ثريفيث 2020

² شُوْف، ونِّي يسَّاوَاڒن س لُّغَا رُوْحِيَا، مَا يسَّاوَاڒ اَك يِوْذَان؟ لَّا، ئِسَّاوَاڒ اَك أَربِّـي. وَار ذِنِّي حَدّ إِي ذَاس يفهّْمن، ئِقَّار ثِمسْڒَايِين س أَرُّوْح يقدّْسن ذَايْسنْت ڒْمَعْنَاث ينُوْفَّرن.

1 أيث-كورينث 14:2 Σταυροειδείς Αναφορές

أَسڒْمذ ن سِيذِيثْنغ عِيْسَى لْكِتَاب ن مَتَّى 13:11

ئِنْدق-د عِيْسَى ينَّا-ٱسن: "ئِتْوَاسْمح إِ كنِّيو اَذ تسّْنم مِين ينُوْفَّارن ذِي ڒْمُلْك وجنَّا. وَلَكِن نِثْنِي لَّا، وَار ذَاسن يتْوَاسْمح شَا.

مرقس 16:17

ذ ثِيْنَا ذ لْعَلَامَاث إِي د غَا يمظْهَارن اَك يِنِّي يتَامْنن: أَقَّا نِثْنِي اَذ سُوْفْغن جْنُوْن عْلَاحْسَاب يسم ينُو، أَذ سِّيوْڒن س يِيڒسَاون ذ جْذِيذ.

مرقس 4:11

ينَّا-ٱسن: "ئِتْوَاسْمح إِ كنِّيو اَذ تسّْنم مِين ينُوْفَّرن ذِي ڒْمُلْك ن أَربِّـي. يِنِّي زِي بَارَّا مَارَّا تَاس-اَسن-د س ڒمْعَانِي وَاهَا:

ڒخذايم 10:46

ڒَاحقَّاش سْڒِين-اَسن سَّاوَاڒن س لُّغَاث وَار يدْجِين بُو نْسن حمّْذن أَربِّـي. أُوْشَا ينَّا بُطْرُس:

ڒخذايم 19:6

وَامِي خَاسن يسرْس بُوْلُس يفَاسّن نّس، ئِهْوَا-د خَاسن أَرُّوْح يقدّْسن. بْذَان سَّاوَاڒن س لُّغَاث وَار يدْجِين بُو نْسن، سَّاوَاڒن س مِينْزِي عڒْمن زِي أَربِّـي.

ڒخذايم 22:9

يِنِّي كِذِي يدْجَان ࢲْرِين نُّوْر نِّي وَلَكِن وَار فْهِيمن شَا إِ ثْمِيجَّا ن ونِّي إِي كِذِي د يسَّاوَاڒن.

أيث-روما 16:25

ئِتْوَابَرَاك أَربِّـي! نتَّا ذ ونِّي يزمَّرن اَذَاوم يُوْش جّْهذ س لْإِنْجِيل-أَ إِي تْبشَّارغ أُو عَاوذ س ؤُحدّث ن عِيْسَى لْمَسِيح عْلَاحْسَاب مِين د يبَانن تُوْغَاث مَانَاينِّي زِي زْمَان ينُوْفَّر.

1 أيث-كورينث 12:10

ئِجّن يمُّوْش-اَس اَذ يݣّ لْمُعْجِيزَاث. ئِجّن يمُّوْش-اَس اَذ يسِّيوڒ س مِين يعْڒم زِي أَربِّـي. ئِجّن مُّوْشنْت-اَس ثِزمَّار اَذ يميّز جَار ن اَرُّوْحَاث. ئِجّن يمُّوْش-اَس اَذ يسِّيوڒ س ڒبْعَاض ن لُّغَاث رُوْحِيَاث. ئِجّن يمُّوْش-اَس اَذ يسْتَرْجم لُّغَاث نِّي.

1 أيث-كورينث 12:28

ذِي جْمَاعث-أَ ن ڒْمُوْمِنِين يرتّب أَربِّـي ذ اَمزْوَارُو أَرُّسُل، وِيس ثْنَاين لْأَنْبِيَا، وِيس ثْڒَاثَا يمْسڒْمَاذن، منْبَعْد يِنِّي يسْخدَّامن لْمُعْجِيزَاث ذ يِنِّي غَار دْجَانْت لْقُدْرَاث بَاش اَذ سْݣنْفَان يوْذَان، ذ يِنِّي يتْعَاوَانن، ذ يِنِّي يتْكلَّافن س ڒْخذْمث، ذ يِنِّي يسَّاوَاڒن س ڒبْعَاض ن لُّغَاث رُوْحِيَاث.

1 أيث-كورينث 13:1

مَعْلِيك سَّاوَاڒغ س يِيڒسَاون ن يثَرَّاسن س لُّغَا، مَعْلِيك سَّاوَاڒغ س لُّغَا ن لْمَلَائِكَاث يعْنِي رُوْحِيَا، مَاشَا ڒمْحِبّث وَار ذَايِـي تِيڒِي شَا، إِڒِي تْسدَّاعغ اَم يِج ن دَرْبُوْݣَا، تمْقرْقَابغ اَم ڒقْرَاقب وَاهَا.

1 أيث-كورينث 13:2

نش مَعْلِيك غَارِي لْقُدْرَا اَذ سِّيوْڒغ اَم لْأَنْبِيَا، مَعْلِيك فهْمغ مَارَّا مِين ينُوْفَّرن ذ مَارَّا ثُوْسْنَا، مَعْلِيك سْخدَّامغ لْإِيمَان اَذ سْمُوْتِّيغ يذُوْرَار-أَ، إِڒِي ذ وَالُو إِي دْجِيغ نش مڒَا وَار تْحِبِّيغ شَا.

1 أيث-كورينث 14:16

مڒَا تْشكَّرذ أَربِّـي س اَرُّوْح وَاهَا، ونِّي إِي غَارْوم د يُوْسِين س زِّيَارَا وَار يزمَّر اَذ يِينِي آمِين خ شُّكر نّش لِأَنَّا وَار يسِّين شَا مِين ثقَّارذ.

1 أيث-كورينث 14:26

إِذن فَا آي اَيثْمَا، خْمِي غَا ثْمُوْنم يجّن اَغَارس يِيڒِي يجّن ن وغنِّيج، ئِجّن اَغَارس يِيڒِي يجّن ن وَاوَاڒ ن وسڒْمذ، ئِجّن اَغَارس يِيڒِي لْوَاحِي، ئِجّن اَغَارس ثِيڒِي لُّغَا رُوْحِيَا، ئِجّن اَغَارس ثِيڒِي تَّرْجَمَا. مَارَّا ثِمسْڒَايِين-أَ اَذ يڒِينْت حمَا اَذ تْجهْذم.

1 أيث-كورينث 15:51

أَقَا قَّارغ-اَوم يجّن ن ثْمسْڒَايْث ڒْمَعْنَا نّس ينُوْفَّرن: قَا وَار نتْمتِّي شَا س مَارَّا إِذْنغ. خْمِي غَا يصُوْض زَّامَّار اَنݣَّارُو اَتَاف أَ نْبدّڒ مَارَّا إِذْنغ ذِي صِّفث نّغْنِي. مَانَايَا اَذ يِيڒِي ذغْيَا ذݣ يِجّن ن وَارْمَاش ن ثِيطّ. أَذ يصُوْض زَّامَّار نِّي ثُمَّا اَذ د تْوَاسْنكَّرن يمتِّينن يعْنِي اَذ دُوْمَان إِ ڒبْدَا أَ نِيڒِي نْبدّڒ ذِي صِّفث نّغْنِي.

1 أيث-كورينث 2:10

ثِمسْڒَايِين نِّي يسْمظْهَار-اَنغ-ثنْت-يد أَربِّـي س اَرُّوْح نّس. لِأَنَّا اَرُّوْح ن أَربِّـي يخزَّر ذِي ثْمسْڒَايِين مَارَّا، وَاخَّا ذ مِين يُوْدْجْغن ن أَربِّـي.

1 أيث-كورينث 2:7

لَّا، نشِّين نسَّاوَاض يجّن ن ڒفْهَامث ذَايس ڒْمَعْنَا ينُوْفَّرن ن أَربِّـي ذ مِين يتْوَاسْنُوْفَّرن. ئِزمّم-يت أَربِّـي قْبڒ مَا ٱذ د ثخْڒق ڒْوقْث قَاع حمَا نشِّين أَ نتْوَاسمْغَار.

أيث-ؤفسوس 6:19

تَّارم خَافِي نش عَاوذ مڒْمِي مَا رزْمغ اَقمُّوْم ينُو اَذَايِي مُوْشّن وَاوَاڒن إِي زِي غَا بشَّرغ س ڒْمَعْنَا ينُوْفَّرن ن لْإِنْجِيل.

أيث-كولوس 2:2

رزُّوْغ ؤُڒَاون نْوم اَذ تْوَاشجّْعن خْمِي غَا مُوْنن اَك وَايَاوْيَا س ڒمْحِبّث بَاش اَذ تَاوْضم غَار مَارَّا ڒْخِير نِّي إِݣ يدْجَان ذݣ يِجّن ن ڒفْهَامث ثكْمَاڒ ذ يِجّن ن ثُوْسْنَا خ ڒْمَعْنَا ينُوْفَّرن ن أَربِّـي يدْجَان ذِي لْمَسِيح.

1 تيموتاوس 3:16

أُو بْڒَا شّكّ مشْحَاڒ ثدْجَا ذ ثَمقّْرَانْت ڒْمَعْنَا ينُوْفَّرن ن لْإِيمَان: نتَّا، ذ بْنَاذم إِي د يمظْهَارن، ذ أَرُّوْح إِي خَاس يشهْذن. نتَّا، ذ لْمَلَائِكَاث إِي ذَايس يخْزَرن، ذ ڒݣْنُوْس إِي زَّايس يتْوَابشَّرن. نتَّا، ذِي دُّنشْت-أَ يِنِّي إِي زَّايس يُوْمْنن، ذ لْعَظَمَا ن وجنَّا إِي ث يقبْڒن.

1 تيموتاوس 3:9

ئِمْسخَّارن-أَ يتْخصَّا لَابُد اَذ طّْفن ذِي ڒْمَعْنَا ينُوْفَّرن ن لْإِيمَان س يِجّن ن ضَّمِير يصْفَا.

لواحي ن يوحنا 10:7

أَقَا ذِي نْهُوْرَاث نِّي خْمِي غَا ثْصُوْض لْمَلَائِكَا وِيس سبْعَا ذِي زَّمَّار نّس قَا صَافِي سِّرّ ن أَربِّـي يكمّڒ مَامّش ذَاسن ث يعَوذ إِ لْعِبَاد نّس لأَنْبِيَا."