1 أيث-كورينث 13:9 - ثريفيث 2020

⁹ أَقَا مِين نسّن مَاشِي يكْمَاڒ مَانَايَا، مِين نسَّاوَاڒ نشِّين لْأَنْبِيَا ذ اَنقْصِي إِݣ يدْجَا.

1 أيث-كورينث 13:9 Σταυροειδείς Αναφορές

أَسڒْمذ ن سِيذِيثْنغ عِيْسَى لْكِتَاب ن مَتَّى 11:27

ئِمُّوْش-ٱيِي كُڒْشِي زِي بَابَا. وَار يسِّين حَدّ مِين يعْنَا مِّيس منْغِير بَابَاس. وَار يسِّين حَدّ مِين يعْنَا بَابَاس منْغِير مِّيس. بَابَاس، أَث سّْنن غِير يِنِّي ؤُمِي يخس مِّيس اَذَاسن ثِيذ يسْمظْهَار.

أيث-روما 11:34

وِيݣ يسّْنن ڒَعْقڒ ن سِيذِي أَربِّـي، نِغ وِي كِس يمْشَوَارن؟

1 أيث-كورينث 13:10

مِين يدْجَان قَاع يكْمَاڒ اَذ د يبَان ذَانِيتَا، سّنِّي مِين يدْجَان ذ اَنقْصِي اَذ يودَّر نتَّا.

1 أيث-كورينث 13:12

أَقَا ڒخُّو نْخزَّر ذݣ يِجّن ن ثِيسِيث وَار ثصْفِي شَا، مَاشَا منْبَعْد أَ نمْࢲر مْلِيح قَارَا ذِي قَارَا. ڒخُّو مِين سّْنغ ذ اَنقْصِي إِݣ يدْجَا، منْبَعْد اَذ سّْنغ نش ثِمسْڒَايِين مَارَّا، كِيف-كِيف مَامّش تْوَاسّْنغ نش ذَانِيتَا.

1 أيث-كورينث 2:9

مَامش يقَّار لْكِتَاب: <مَانَاينِّي وَار ذِنِّي بُو ثِيطّ إِي ث يتْوَاڒَان، نِغ ذ اَمجُّوْن إِي ذَاس يتسْڒَان، نِغ ذ ڒَعْقڒ إِي ث يتْخَايَاڒن، مِين يسوْجذ أَربِّـي إِ يِنِّي إِي ث يتْحِبَّان.>

1 أيث-كورينث 8:2

ئِجّن مڒَا يتْغِير-اَس يسّن، لَّا وَار يسِّين شَا. عَاذ يتْخصَّا-يَاس اَذ يسّن.

أيث-ؤفسوس 3:8

لْبَرَكَا-يَا يُوْشَا-ٱيِي-ت أَربِّـي وَاخَّا ذ اَمزْيَان إِي دْجِيغ خ مَارَّا صَّالِحِين بَاش نش اَذ بشَّرغ يِنِّي وَار يدْجِين شَا زِي أَيث-إِسْرَائِيل اَذ سّْنن اَݣْڒَا نِّي ن لْمَسِيح إِي وَار يتْوَاشرِّيحن شَا.

1 يوحنا 3:2

آي يمْعِيزّن ينُو، ڒخُّو نشِّين ذ ثَارْوَا ن أَربِّـي. عَاذ وَار د تْمظْهَار شَا صِّيفث نّغ مَامش غَا ثِيڒِي، وَلَكِن نسّن اَذ تِيڒِي اَم نتَّا خْمِي د غَا يمظْهَار ڒَاحقَّاش اَث نْࢲر نتَّا مَامش إِي يدْجَا.