1 أيث-كورينث 13:8 - ثريفيث 2020

⁸ ڒمْحِبّث-أَ نتَّاث عمَّارْص اَذ تقْضَا، مَاشَا اَذ نْتَاهَان وَاوَاڒن ن لْأَنْبِيَا، ئِڒسَاون ن يثَرَّاسن وَار تْغِيمِن شَا ذ لُّغَا، لْمَعْرِيفَا اَذ تْوَاكمّڒ يعْنِي ثُوْسْنَا.

1 أيث-كورينث 13:8 Σταυροειδείς Αναφορές

لوقا 22:32

تتَّارغ اَكِذش غَار سِيذِي أَربِّـي حمَا لإِيمَان نّش وَار ينقّص شَا. خْمِي غَارِي د غَا ثْذوْڒذ، شجّع اَيْثْمَاش."

ڒخذايم 13:1

ذِي جْمَاعث ن ڒْمُوْمِنِين ذِي ثنْدِينْت ن وَانْطَاكْيَا ذِنِّي لْأَنْبِيَا ذ يمْسڒْمَاذن. نِثْنِي ذ بَرْنَابَا، ذ سِمْعَان ونِّي ؤُمِي قَّارن أَبرْشَان، ذ لُوْقْيُوْس زِي لْقُرِينَا، ذ مَنَاهن ونِّي إِݣ يربَّان اَك وزدْجِيذ هِيرُدُوْس زِي ثمْزِي نّس، ذ شَاوُل.

ڒخذايم 19:6

وَامِي خَاسن يسرْس بُوْلُس يفَاسّن نّس، ئِهْوَا-د خَاسن أَرُّوْح يقدّْسن. بْذَان سَّاوَاڒن س لُّغَاث وَار يدْجِين بُو نْسن، سَّاوَاڒن س مِينْزِي عڒْمن زِي أَربِّـي.

ڒخذايم 2:4

شُّوْرن س أَرُّوْح يقدّْسن مَارَّا إِذْسن، بْذَان سَّاوَاڒن س لُّغَاث وَار يدْجِين بو نْسن اَمشْنَاو مَامّش ذَاسن يُوْشَا أَرُّوْح اَذ سِّيوْڒن.

1 أيث-كورينث 12:10

ئِجّن يمُّوْش-اَس اَذ يݣّ لْمُعْجِيزَاث. ئِجّن يمُّوْش-اَس اَذ يسِّيوڒ س مِين يعْڒم زِي أَربِّـي. ئِجّن مُّوْشنْت-اَس ثِزمَّار اَذ يميّز جَار ن اَرُّوْحَاث. ئِجّن يمُّوْش-اَس اَذ يسِّيوڒ س ڒبْعَاض ن لُّغَاث رُوْحِيَاث. ئِجّن يمُّوْش-اَس اَذ يسْتَرْجم لُّغَاث نِّي.

1 أيث-كورينث 13:10

مِين يدْجَان قَاع يكْمَاڒ اَذ د يبَان ذَانِيتَا، سّنِّي مِين يدْجَان ذ اَنقْصِي اَذ يودَّر نتَّا.

1 أيث-كورينث 13:13

أَقَاثن ڒخُّو قِّيمن ثْڒَاثَا-يَا: لْإِيمَان ذ لْأَمَال ذ ڒمْحِبّث يِيْنَا. مَاشَا زِي يِيْنَا ڒمْحِبّث ثُوْعْڒَا.

1 أيث-كورينث 14:39

س مَانَايَا آي اَيثْمَا، رْزُوْث اَطَّاس حمَا اَذ تسِّيوْڒم س وَاوَاڒ يتْوَاعڒْمن زِي أَربِّـي، أُو عَاوذ وَار منَّاعْث شَا يوْذَان اَذ سِّيوْڒن س لُّغَاث رُوْحِيَاث.

1 أيث-كورينث 8:2

ئِجّن مڒَا يتْغِير-اَس يسّن، لَّا وَار يسِّين شَا. عَاذ يتْخصَّا-يَاس اَذ يسّن.

أيث-ݣلاطيا 5:6

لِأَنَّا ذِي عِيْسَى لْمَسِيح يعْنِي بْنَاذم مڒَا يݣَّا طَّهَارث نِغ وَار ت يݣِّي شَا، مَانَايَا وَار ينفّع س وَالُو. مِين ينفّْعن؟ ئِنفّع لْإِيمَان إِݣ يخدّْمن شّْغڒ نّس س ڒمْحِبّث.

يعيبرانيين 8:13

وَامِي يسِّيوڒ أَربِّـي خ يِجّن ن ڒْعَهذ ذ جْذِيذ، صَافِي ونِّي اَمزْوَارُو يسْبطَّاڒ-يث. أُو ونِّي إِݣ يتْوَاسْبطَّاڒن ڒخُّو يذوّڒ ذ اَقْذِيم، أَتَاف ذغْيَا اَذ يتْوَاكّس وَار يتْغِيمِي شَا.