Römer 9:29 - Pennsylvania Dutch Bible

²⁹ Da Jesaia hott ksawt katt difoah, “Vann da Awlmechtich Hah uns nett samm sohma ivvah-glost hett, dann veahra miah vadda vi Sodom un gleichlich vi Gomorra.”

Römer 9:29 Σταυροειδείς Αναφορές

Jesoiya 1:9

Vann da Awlmechtich Hah nett samm leit ivvahrich glost hett, dann veahra miah vi Sodom; miah veahra vadda vi Gomorra.

Jakobus 5:4

Heichet moll, da lohn funn di shaff-leit vo eiyah feldah gmayt henn, un es diah nett betzawld henn, is am naus greisha geyyich eich. Un di shaff-leit iahra roofes langd nuff zu di oahra fumm Awlmechticha Hah.

Amos 4:11

“Ich habb eich unnah gay gmacht, vi ich Sodom un Gomorra unnah gay gmacht habb. Diah voahret vi en brennichah shtekka es fumm feiyah gnumma voah, doch sind diah nett zrikk zu miah gedrayt,” sawkt da Hah.

Jesoiya 13:19

Un Babylon, es shenshta in di kaynich-reicha, di hallichkeit funn di shtolsa Chaldayah, zayld ivvah-kshmissa sei bei Gott, so vi Sodom un Gomorra voahra.

Jeremia 50:40

So vi Gott Sodom un Gomorra ivvah-kshmissa hott un aw iahra nochbah-shtett, so zayld nimmand may in Babylon voona, kenn mensh bleibt datt.” So sawkt da Hah.

Jeremia 49:18

So vi Sodom un Gomorra ivvah-kshmissa voahra mitt di ivvahricha shtett datt rumm, so zayld nimmand in Edom voona, un kenn mensh zayld datt bleiva,” sawkt da Hah.

Judas 1:7

In en gleichlichah vayk henn Sodom un Gomorra un di shtett um si rumm sich ufgevva zu huahrahrei un sinn annah flaysh nohch ganga. Si sinn uf kohva es en gleichnis bei kshtrohft vadda mitt ayvich feiyah.

2. Petrus 2:6

vann eah di shtett funn Sodom un Gomorra fadamd hott bei si zu esh drayya, un hott en gleichnis gmacht funn eena fa vass es gevva zayld mitt di ungettlicha;

5. Mosi 29:23

Es gans land zayld fadauva sei mitt solfah un sals; nix vatt geblanst un nix kumd uf, nett even graws kann vaxa. Es zayld sei vi di shtett funn Sodom un Gomorra, Adama un Zeboim, es da Hah in seim haysa zann nunnah grissa hott.

Zephania 2:6

Es land am say nohch vatt vayt-feldah, en blatz fa shohf-heedah un shohf-penna.

Glawk-Leedah 4:6

Di sinda funn di dochtah funn mei leit, sinn graysah es selli funn Sodom, selli shtatt es bletzlich nunnah grissa voah, un nimmand hott sei hand gedrayt fa iahra helfa.

Glawk-Leedah 3:22

Em Hah sei shtandhaftichi-leevi heaht nee nett uf, sei bamhatzichkeit hott kenn end.

Jesoiya 6:13

Doch zayld en zeyyadel dayl im land bleiva, avvah sell zayld viddah fadauva vadda. So vi da linda-bohm un da aycha-bohm shtumba shtay lossa vann si nunnah kshnidda vadda; so is da heilich sohma da shtumba im land.”

Jesoiya 1:10

Nau heichet's vatt fumm Hah, diah roolahs funn Sodom; machet eiyah oahra uf zu vass unsah Gott am eich lanna is diah leit funn Gomorra.