Richtah 7:2 - Pennsylvania Dutch Bible

² Da Hah hott no ksawt zumm Gideon, “Du hosht zu feel leit fa mich lossa di Midianiddah in eiyah hend gevva. Ich vill nett havva es Israel braekka kann es iahra aykni graft si frei gmacht hott.

Richtah 7:2 Σταυροειδείς Αναφορές

1. Mosi 46:2

Selli nacht hott Gott zumm Israel kshvetzt in en vision un hott ksawt, “Jakob, Jakob.” Un eah hott ksawt, “Do binn ich.”

2. Chronik 14:11

No hott da Asa zumm Hah, sei Gott, gebayda un hott ksawt, “Hah, es hott nimmand vi dich fa selli helfa es unni graft sinn geyyich selli es mechtich sinn. Helf uns, oh Hah, unsah Gott, fa miah falossa uns uf dich. In deim nohma sinn miah geyyich dee grohs army kumma. Oh Hah, du bisht unsah Gott; loss kenn mensh dich ivvah-kumma.”

Jesoiya 10:13

Fa eah sawkt, ‘Bei di graft funn mei hand un mitt mei veisheit habb ich dess gedu, veil ich shmeaht binn. Ich habb di lendah ivvah-gnumma, un si grawbt funn iahra keshtlich sach. Un vi en mechtichah mensh, habb ich di leit nunnah kshtohsa.

Jesoiya 2:11

Di hohcha awwa fumm mann vadda gedaymeedicht, un di shtolsa mennah vadda niddah gebrocht; Da Hah laynich zayld hohch ufkohva sei in sellah dawk.

Jesoiya 2:17

Da hohchmoot fumm mensh vatt niddah gebrocht, un di shtolsheit funn mennah vatt gedaymeedicht. Da Hah laynich zayld hohch ufkohva sei in sellah dawk,

Jeremia 9:23

Dess is vass da Hah sawkt: “Loss da mann mitt veisheit nett braekka veyyich sei veisheit, adda da shteik mann veyyich sei graft, adda da reich mann veyyich sei geld.

Ezekiel 28:17

Dei hatz is shtols vadda veil du so shay voahsht; du hosht dei veisheit fadauva glost, veil du so hohch-geaht voahsht. So habb ich dich uf da bodda kshmissa; ich habb dich fannich kaynicha gedu, so es si dich sayna kenna.

Ezekiel 28:2

“Mensha-kind, sawk zumm feddahshta funn Tyrus, ‘Dess is vass da Awlmechtich Hah sawkt: Veil dei hatz shtols is, un du sawksht, “Ich binn en gott; ich hokk uf em kaynich-shtool funn di gettah in di mitt fumm say—” avvah du bisht en mensh, nett en gott, doch maynsht du du hosht di veisheit funn en gott.

Daniel 4:30

No hott eah ksawt, “Gukk moll an dess grohs Babylon es ich gebaut habb fa mei kaynich haymet. Ich habb dess gebaut mitt mei mechtichi graft, un fa mei aykni eah un hallichkeit.”

Habakuk 1:16

Fasell macha si en opfah zu iahra net; si brenna insens zu iahra net, veil si reichlich layva deich iahra net, un essa's besht ess-sach.

Sacharia 12:7

Da Hah zayld di greeks-gnechta in di tents funn Juda seahsht frei macha so es di eah fumm Dawfit sei nohch-kummashaft un di leit funn Jerusalem nett graysah sei zayld es di eah funn di leit funn Juda.

Sacharia 4:6

So hott eah ksawt zu miah, “Dess is em Hah sei vatt zumm Serubabel: ‘Nett deich macht adda deich graft, avvah deich mei Geisht,’ sawkt da Awlmechtich Hah.

4. Mosi 31:4

Shikket en dausend greeks-mennah funn yaydah shtamm funn Israel.”

Römer 11:18

doond eich nett ovvich selli nesht denka un geyyich si shvetza. Vann diah geyyich si shvetzet, denket droh es diah di vatzel nett drawwet avvah di vatzel drawkt eich.

Römer 3:27

Vass is dann veyyich unsahm gebraekk? Es is faddich gmacht. Deich vass fa Ksetz? Deich's Ksetz funn di verka es miah doon? Nay, avvah deich's Ksetz funn glawva.

2. Korinther 4:7

Avvah miah henn dee keshtlicha sacha in eahdichi ksharra, so es di unbegreiflich graft kumd funn Gott, un nett funn uns.

Epheser 2:9

nett es en fadeensht funn verka, so es nimmand braekka kann diveyya.

5. Mosi 32:27

Avvah ich habb nett havva vella es iahra feinda braekka, un dess letz fashtayn, un sawwa, ‘Miah sinn si ivvah-kumma; da Hah hott dess nett gedu.’”

5. Mosi 8:17

Gevvet acht es diah nett sawwet in eiyah hatz, “Mei graft un mei shteiki hend henn mich reich gmacht vi dess.”

5. Mosi 8:18

Avvah fagesset nett da Hah eiyah Gott; es is een es eich graft gebt fa reich vadda. Eah dutt dess fa sei bund halda es eah kshvoahra hott zu eiyah foah-feddah un dutt dess heit noch.

Jakobus 4:6

Avvah Gott gebt may gnawt; fasell, sawkt's, “Gott shtayt geyyich di hohchmeedicha, avvah eah gebt gnawt zu di daymeedicha.”

1. Samuel 14:6

No hott da Jonathan ksawt zumm yunga mann es sei greeks-ksha gedrawwa hott, “Kumm, vella nivvah zu di camp funn selli unbeshniddana mennah gay. Fleicht zayld da Hah ebbes ausrichta deich uns. Nix kann da Hah fahinnahra funn helfa, eb's feel adda vennich sinn.”