Richtah 6:4 - Pennsylvania Dutch Bible

⁴ Dee leit henn iahra tents ufkokt im land un henn di crops fasaut biss gans nivvah an Gaza. Si henn nix ivvahrich glost fa Israel zu essa. Si henn kenn shohf, fee adda aysla glost fa si.

Richtah 6:4 Σταυροειδείς Αναφορές

1. Mosi 10:19

Un di lendah funn di Kanaaniddah voahra funn Sidon, vi du funn Gerar zu Gaza kumsht, un gaysht no geyyich Sodom un Gomorra un Adama un Zeboim biss an Lasa.

1. Mosi 13:10

Da Lot hott rumm gegukt un hott di gans gaygend fumm Jordan Revvah ksenna. Eah hott ksenna es es goot gvessaht voah ivvahrawlich biss du an Zoar kumsht, so vi da goahra fumm Hah, adda's land funn Egypta. (Dess voah eb da Hah di shtett fumm Sodom un Gomorra fadauva hott.)

Shpricha 28:3

En oahmah mann es di oahma nunnah drett, is vi en shteikah reyya es kenn ess-sach ivvahrich lost im goahra.

Jeremia 5:17

Si zayla eiyah eahnda un ess-sach uf fressa, si fressa eiyah boova un mayt uf, si zayla eiyah shohf un kee uf fressa, si fressa eiyah vei-shtekk un feiya-baym uf. Si zayla di eigmavvahdi shtett nunnah hakka mitt iahra shvatt, dee eigmavvahda shtett es diah eich falosset druff.

3. Mosi 26:16

dann doon ich dess zu eich: Ich zayl grohsah angsht uf eich bringa, veeshti grankeda un feevah es eich blind macht un es eiyah layva shloh vekk nemd. Un diah zaylet eiyah sohma sayya fa nix, veil eiyah feinda kumma zayla un's essa.

Obadia 1:5

“Vann deeb zu diah kumma, un rawvah in di nacht, selli rawvah dayda nett alles nemma, yusht biss si genunk henn. Vann leit kumma dayda drauva pikka, dayda si nett samm ivvahrich lossa? Avvah du vasht gans fafolkt!

Micha 6:15

Diah zaylet blansa avvah nett eahnda, diah zaylet ayl-frucht pressa, avvah eich nett salba mitt em ayl. Diah zaylet drauva ausdredda, avvah da vei nett drinka.

5. Mosi 28:33

En fremd folk es diah nett kennet zayld's frucht essa funn eiyah eahvet un funn eiyah grund. Si zayla eich di gans zeit veesht yoosa un nunnah dredda.

5. Mosi 28:51

Si zayla di yungi funn eiyah fee essa uns frucht funn eiyah grund, biss diah awl umkummet. Si lossa eich kenn frucht, kenn vei adda ayl, un kenn kelvah funn eiyah kee adda shiblen funn eiyah shohf biss diah awl doht sind.

Richtah 6:3

Vann di leit funn Israel iahra land als eiksayt katt henn, sinn di Midianiddah, di Amalekiddah un anri leit funn di east ruff ivvah si kumma.