Richtah 6:3 - Pennsylvania Dutch Bible

³ Vann di leit funn Israel iahra land als eiksayt katt henn, sinn di Midianiddah, di Amalekiddah un anri leit funn di east ruff ivvah si kumma.

Richtah 6:3 Σταυροειδείς Αναφορές

1. Mosi 25:6

Avvah diveil es eah noch glaybt hott, hott eah kshenkah gevva zu di boova funn sei nayva-veivah, un hott si vekk kshikt fumm Isaac in's land funn di east.

1. Mosi 29:1

No is da Jakob uf sei vayk ganga, un is in's land funn di leit funn di east kumma.

1. Kaynicha 20:27

Di Kinnah-Israel voahra zammah gegeddaht un henn sich grisht katt; no sinn si naus ganga fa si fechta. Si henn ufkokt in zvay camps nayksht bei di Syrians un henn gegukt vi zvay glenni drubba gays, diveil es di Syrians es land ufkfild henn.

1. Kaynicha 4:30

Em Solomon sei veisheit voah graysah es di veisheit funn awl di mennah funn di East, un graysah es awl di veisheit funn Egypta.

1. Kaynicha 5:10

Sellah vayk hott da Hiram da Solomon in awl di cedar un pine blekk kalda es eah havva hott vella.

Hiob 1:3

Eah hott sivva dausend shohf katt, drei dausend kamayla, fimf hunnaht yoch oxa, fimf hunnaht aysel-mahra un aw feel gnechta. Eah voah reichah un haychah ohksenna es ennichah mann funn di East.

Hiob 31:8

dann loss mich sayya un ebbah shunsht's frucht essa, un loss sell es vaxt fa mich aus di vatzel ufgrobt vadda.

2. Mosi 17:8

No is da Amalek kumma un hott kfochta mitt Israel an Raphidim.

Jesoiya 11:14

Si zayla zammah gay un uf di Philishtah falla in di west, un zayla di leit rawva in di east. Si layya iahra hend uf Edom un Moab, un di leit funn Ammon zayla eena heicha.

Jesoiya 62:8

Da Hah hott kshvoahra bei sei rechtsi hand, un bei sei mechtichah oahm: “Selayva zayl ich dei frucht nimmi gevva fa ess-sach zu dei feinda, un selayva zayla di fremda da nei vei nimmi drinka es du so hatt kshaft hosht difoah;

Jeremia 49:28

Veyyich Kedar un di kaynich-reicha funn Hazor—dee es da Kaynich Nebukadnezar funn Babylon kfochta hott: Dess is vass da Hah sawkt: “Shtay uf un fecht mitt di leit funn Kedar, mach di leit funn di east doht.

Ezekiel 25:3

Sawk zu eena, ‘Heichet's vatt fumm Awlmechticha Hah. Dess is vass da Awlmechtich Hah sawkt: Veil diah “Aha!” ksawt hend ivvah mei tempel vo eah unrein gmacht voah, un ivvah's land Israel vo's fadauva vadda is, un ivvah di leit funn Juda vo si vekk gnumma voahra,

Ezekiel 25:4

dann loss ich di leit funn di East eich ivvah-nemma. Si zayla rei kumma un iahra tents ufhokka unnich eich; si essa eiyah frucht un drinka eiyah millich.

3. Mosi 26:16

dann doon ich dess zu eich: Ich zayl grohsah angsht uf eich bringa, veeshti grankeda un feevah es eich blind macht un es eiyah layva shloh vekk nemd. Un diah zaylet eiyah sohma sayya fa nix, veil eiyah feinda kumma zayla un's essa.

Micha 6:15

Diah zaylet blansa avvah nett eahnda, diah zaylet ayl-frucht pressa, avvah eich nett salba mitt em ayl. Diah zaylet drauva ausdredda, avvah da vei nett drinka.

5. Mosi 28:51

Si zayla di yungi funn eiyah fee essa uns frucht funn eiyah grund, biss diah awl umkummet. Si lossa eich kenn frucht, kenn vei adda ayl, un kenn kelvah funn eiyah kee adda shiblen funn eiyah shohf biss diah awl doht sind.

Richtah 10:12

di Sidoniddah, di Amalekiddah un di Maoniddah eich nunnah gedredda henn, un diah hend zu miah groofa fa hilf, havvich eich nett aus iahra hend gnumma?

Richtah 3:13

Eah hott di Ammoniddah un di Amalekiddah grikt fa eem helfa, un da Eglon hott greek gmacht geyyich Israel, hott si gebodda un hott di Palma-Shtatt ivvah-gnumma.

Richtah 6:2

Veil di macht funn Midian so shteik voah ivvah Israel, henn di Kinnah-Israel sich bletz gmacht fa voona in di berga un henn sich fashtekkeld in felsa-lechah un anri sayfi bletz.

Richtah 6:33

No henn awl di Midianiddah, di Amalekiddah un di leit funn di east sich zammah fasammeld, sinn ivvah da revvah ganga un henn sich ufkokt in di valley funn Jesreel.

Richtah 6:4

Dee leit henn iahra tents ufkokt im land un henn di crops fasaut biss gans nivvah an Gaza. Si henn nix ivvahrich glost fa Israel zu essa. Si henn kenn shohf, fee adda aysla glost fa si.

Richtah 7:12

Di Midianiddah, di Amalekiddah un di anri leit funn di east henn sich ufkokt katt im deich, un si voahra so dikk es locusts. Iahra kamayla voahra so feel es si nett gezayld sei henn kenna, vi da sand am say nohch.

Richtah 8:10

Da Sebah un da Zalmuna voahra in Karkor gvest mitt baut fuftzay dausend greeks-gnechta. Dess voahra awl di greeks-gnechta es ivvahrich voahra funn di leit funn di east. Baut en hunnaht un zvansich dausend mennah mitt shvadda voahra shund doht gmacht gvest.