Richtah 5:6 - Pennsylvania Dutch Bible

⁶ In di zeit fumm Samgar, em Anath sei boo, in di zeit funn di Jael, voahra di vayya leah; un di leit sinn autseit rumm ganga.

Richtah 5:6 Σταυροειδείς Αναφορές

2. Chronik 15:5

An selli zeit is es nett goot ganga mitt selli es nei adda naus ganga sinn, fa's voah grohsi unroo unnich di leit funn dee lendah.

Psalm 125:5

Avvah selli es vekk drayya uf iahra grummi vayya, dutt da Hah vekk fiahra mitt di evil-shaffah. Fridda sei ivvah Israel!

Jesoiya 33:8

Di vayya sinn leah, nimmand gayt ivvah di kfeahlicha vayya. Es bund is gebrocha, di zeiya sinn fa'acht, nimmand is ohksenna.

Jeremia 6:25

Gaynd nett naus in di feldah, un lawfet nett uf di vayya, veil unsah feind en shvatt hott un ivvahrawlich rumm is angsht.

Glawk-Leedah 1:4

Di vayya zu Zion sinn am heila, veil nimmand bei kumd an di fesht-dawwa. Awl iahra doahra sinn leah; iahra preeshtah sinn am yammahra. Iahra yungi mayt sinn bedreebt; Zion selvaht veind biddahlich.

Glawk-Leedah 4:18

Mennah sinn uns nohch kumma, so es miah nett in di shtrohsa lawfa henn daufa, unsah end voah nayksht, unsah dawwa gnambaht, fa unsah end voah kumma.

3. Mosi 26:22

Ich shikk vildi diahra unnich eich, un si zayla eiyah kinnah doht macha un eiyah fee fareisa, un zayla so vennich funn eich ivvahrich lossa es nimmand may uf eiyah vayya foaht.

Micha 3:12

Fasell, deich eich, zayld Zion geblookt vadda vi en feld; Jerusalem zayld en shtay haufa vadda, un da tempel hivvel vatt ivvah-gvaxa mitt veetz.

Richtah 3:31

Noch em Ehud is da Samgar, em Aneth sei boo, kumma. Un eah hott sex hunnaht Philishtah doht kshlauwa mitt en oxa-gixah. Eah hott aw Israel frei gmacht.

Richtah 5:7

'S voah shtill in di shtetlen, gans shtill in Israel, shtill biss ich, di Deborah ufkshtanna binn, biss ich, en muddah in Israel, ufkshtanna binn.