Richtah 5:11 - Pennsylvania Dutch Bible

¹¹ Heichet zu di singah an di vassah-brunna. Si sawwa veyyich di gerechta sacha es da Hah gedu hott, di gerechta sacha es sei greeks-gnechta gedu henn in Israel. No sinn em Hah sei leit nunnah an di shtett doahra ganga.

Richtah 5:11 Σταυροειδείς Αναφορές

1. Mosi 24:11

Ohvets hott eah sei kamayla gmacht sich anna gneeya bei en vassah-brunna autseit di shtatt. Sell voah di zeit es di veibsleit raus kumma sinn vassah greeya.

1. Mosi 29:2

Eah hott rumm gegukt un hott en vassah-brunna ksenna draus im feld. Un gukk moll, 's voahra drei drubba shohf nayva droh gleyya, fa si henn di shohf gedrenkt funn sellah brunna. Avvah's voah en grohsah shtay uf em loch fumm brunna gleyya.

1. Mosi 29:3

Vann awl di drubba shohf moll datt voahra, henn si da shtay als ab fumm loch grold, henn di shohf gedrenkt un henn da shtay viddah zrikk uf da brunna.

Hiob 29:7

Vo ich naus an's doah funn di shtatt ganga binn, un mei sitz gnumma habb unnich di eldishti,

Psalm 145:7

Si zayla sawwa vi goot-maynich es du bisht, un zayla singa veyyich dei gerechtichkeit.

Psalm 71:15

Mei maul zayld shvetza veyyich dei gerechtichkeit, un veyyich dei saylichkeit da gans dawk lang, even vann's may is es ich fashtay kann.

Jesoiya 12:3

Mitt frayt zaylet diah vassah ruff zeeya aus di brunna funn saylichkeit.

Jesoiya 28:6

Zu selli es im richtah-shtool hokka zayld eah da geisht gevva es si feah richta. Eah zayld graft gevva zu selli es di feinda zrikk dreiva am doah.

Jeremia 7:2

“Shtay an's doah fumm Hah sei haus un breddich dee vadda datt: ‘Heichet's vatt fumm Hah ab, awl diah leit funn Juda es deich dee doahra gayn fa da Hah deena.

Glawk-Leedah 5:4

Miah missa's vassah kawfa es miah drinka, un missa betzawla fa unsah hols.

Glawk-Leedah 5:9

Im kfoah funn unsah layva, greeya miah unsah broht, veil di shvatt draus in di vildahnis is.

Micha 6:5

Mei leit, denket zrikk, an vass da Balak, da kaynich funn Moab, grohda hott, un vass em Beor sei boo, da Bileam, eem gandvat hott. Un Denket droh vo diah funn Sittim zu Gilgal ganga sind, so es diah meindet es da Hah eich alles goodes gedu hott.”

5. Mosi 22:24

dann sellet diah si awl zvay an's doah funn di shtatt bringa un si doht shtaynicha, es maydel veil see nett naus gegrisha hott fa hilf in di shtatt, un da mann veil eah kshlohfa hott mitt en anrah mann sei fraw. Sellah vayk sella diah's evila unnich eich vekk du funn eich.

5. Mosi 33:21

Eah hott's besht land gnumma fa sich selvaht, di foah-gengah iahra dayl voah kalda fa een, vo di evvahshti funn di leit sich fasammeld henn hott eah em Hah sei gerechtah villa ausgedrawwa, un aw sei adninga fa di Kinnah-Israel.”

Richtah 11:40

es di leddichi mayt funn Israel alli yoah naus gayn fa fiah dawk un heila ivvah em Jephthah funn Gilead sei maydel.

Richtah 5:8

Vo si neiyi gettah ohgnumma henn, is greek an di shtett doahra kumma. Nett en shield adda en shpiah voah ksenna unnich di fatzich dausend in Israel.

1. Samuel 12:7

Nau shtaynd do anna; ich vill eich droh gmohna fannich em Hah veyyich awl di gerechti sacha es da Hah gedu hott fa eich un eiyah foah-feddah.