Richtah 3:9 - Pennsylvania Dutch Bible

⁹ Avvah vo di Kinnah-Israel da Hah ohgroofa henn, hott eah ayns funn eena raus groofa fa si frei macha. Eah voah da Othniel, em Kenas sei boo un da Kenas voah em Kaleb sei yingahrah broodah.

Richtah 3:9 Σταυροειδείς Αναφορές

Nehemia 9:27

Fasell hosht du si ivvah-gedrayt in di hand funn iahra feinda, dee es si nunnah gedredda henn. Avvah vo si zu diah groofa henn an di zeit funn iahra angsht, dann hosht du si keaht fumm himmel, un deich dei grohsi bamhatzichkeit, hosht du eena helfah gevva es si aus di hend funn feinda gnumma henn.

Psalm 22:5

Si henn zu diah groofa un voahra frei gmacht; si henn in dich geglawbt un voahra nett nunnah glost.

Psalm 78:34

Vann eah da doht unnich si gebrocht hott, henn si Gott ksucht un henn sich zu eem gedrayt.

Joshua 15:17

Da Othniel, em Kenas sei boo, hott di shtatt kfochta un hott si ivvah-gnumma. Da Kenas voah em Kaleb sei broodah. No hott da Kaleb sei dochtah Achsa zumm Othniel gevva fa see heiyahra.

Richtah 1:13

Da Othniel, hott di shtatt ivvah-gnumma. So hott da Kaleb em Othniel sei dochtah, di Achsa, gevva fa sei fraw sei. Da Othniel voah em Kenas sei boo, un da Kenas voah em Kaleb sei yingahrah broodah.

Richtah 10:10

No henn di Kinnah-Israel da Hah ohgroofa, un henn ksawt, “Miah henn ksindicht geyyich dich, veil miah unsah Gott falossa henn un henn di Baal abgettah gedeend.”

Richtah 2:16

No hott da Hah richtah raus kshteld un si henn di leit frei gmacht funn di leit es si grawbt henn.

Richtah 2:18

Vo da Hah als richtah raus kshteld hott fa si, voah eah bei em richtah un hott si aus di hend funn iahra feinda gnumma so lang es da richtah glaybt hott. Da Hah hott si gedavvaht vann eah si keaht hott yammahra, veil iahra feinda si so veesht gyoost henn un si nunnah gedredda henn.

Richtah 3:15

Di Israeliddah henn no viddah da Hah ohgroofa un eah hott aynah raus groofa fa si frei macha. Eah voah da Ehud, en lings-handichah mann un da boo fumm Gera en Benjaminiddah. Di Kinnah-Israel henn tax geld uf gmacht un henn's zumm Eglon, da kaynich funn Moab, kshikt deich da Ehud.

Richtah 3:8

Da zann fumm Hah hott hays gebrend geyyich Israel un eah hott si fakawft in di hend fumm Kusan-Risathaim, da kaynich funn Mesopotamia. Di Kinnah-Israel henn een gedeend fa acht yoah.

Richtah 4:3

Eah hott nein hunnaht eisichi greeks-veyya katt un hott di Kinnah-Israel veesht gyoost fa zvansich yoah. Fasell henn di Kinnah-Israel da Hah oahrich ohgroofa.

Richtah 6:7

Nau vo di Kinnah-Israel naus groofa henn zumm Hah veyyich di Midianiddah,

1. Samuel 12:10

No henn si zumm Hah groofa un ksawt, ‘Miah henn ksindicht veil miah da Hah falossa henn un henn di Baals un Astharoths gedeend. Avvah nau mach uns frei funn unsah feinda, un miah zayla dich deena.’