Richtah 3:11 - Pennsylvania Dutch Bible

¹¹ No hott's land fridda katt fa fatzich yoah biss da Othniel, em Kenas sei boo, kshtauva is.

Richtah 3:11 Σταυροειδείς Αναφορές

1. Chronik 4:13

Em Kenas sei boova voahra da Othniel un da Seraia. Em Othniel sei boo voah da Hathath.

Nehemia 9:28

Avvah so kshvind es si roo katt henn, henn si viddah evil gedu fannich diah. So hosht du si falossa, un si in di hand funn iahra feinda gay glost, so es si ivvah si groold henn. Vo si viddah groofa henn zu diah, hosht du si viddah keaht fumm himmel, un in dei bamhatzichkeit hosht du si ivvah un ivvah frei gmacht.

Esther 9:22

Dess voah di zeit es di Yudda roo grikt henn funn iahra feinda, da moonet es iahra dreebsawl zu frayt gedrayt is vadda, un iahra leides in en fesht-dawk is vadda. Eah hott eena kshrivva es si dee dawwa halda sella es fesht-dawwa mitt en grohsi frayt, un es si ess-sach gevva sella zu nannah un kshenkah zu di oahma.

Joshua 11:23

Da Joshua hott's gans land gnumma, grawt vi da Hah da Mosi gebodda katt hott. Eah hott's zu Israel gevva fa en eahbshaft, un hott's fadayld bei di foah-eldra iahra shtamma. No hott's land roo katt funn greek.

Joshua 15:17

Da Othniel, em Kenas sei boo, hott di shtatt kfochta un hott si ivvah-gnumma. Da Kenas voah em Kaleb sei broodah. No hott da Kaleb sei dochtah Achsa zumm Othniel gevva fa see heiyahra.

Richtah 3:10

Em Hah sei Geisht is uf een kumma un eah hott Israel gricht. Eah is in da greek ganga un da Hah hott da Kusan-Risathaim, da kaynich funn Mesopotamia, in sei hend gevva un eah voah ivvah een.

Richtah 3:12

Di Kinnah-Israel henn no viddah evil gedu fannich em Hah, un veil si dess evil gedu henn hott da Hah graft gevva ivvah Israel zumm Eglon, da kaynich funn Moab.

Richtah 3:30

Sellah dawk is Moab unnich di hand funn Israel kumma, un's land hott fridda katt fa achtzich yoah.

Richtah 3:9

Avvah vo di Kinnah-Israel da Hah ohgroofa henn, hott eah ayns funn eena raus groofa fa si frei macha. Eah voah da Othniel, em Kenas sei boo un da Kenas voah em Kaleb sei yingahrah broodah.

Richtah 5:31

So loss awl dei feinda umkumma, oh Hah! Avvah loss selli es dich leeva, greftich sei vi di sunn es am uf kumma is.” No hott's land fridda katt fa fatzich yoah.

Richtah 8:28

So voahra di Midianiddah nunnah gedu bei di Israeliddah un si henn nett viddah iahra kebb uf kohva. Deich em Gideon sei layves-zeit hott's land fatzich yoah fridda katt.