Richtah 16:21 - Pennsylvania Dutch Bible

²¹ No henn di Philishtah een gnumma un henn sei awwa raus kshtocha, un henn een nunnah an Gaza gebrocht. Si henn een gebunna mitt bronze kedda, un datt henn si een gmacht frucht mawla in di jail.

Richtah 16:21 Σταυροειδείς Αναφορές

2. Kaynicha 25:7

Si henn em Zedekia sei boova doht gmacht fannich sei awwa. No henn si em Zedekia sei awwa auskshtocha, henn een gebunna mitt kedda un henn een noch Babylon gnumma.

2. Chronik 33:11

So hott da Hah di greeks-hauptmennah fumm kaynich funn Assyria geyyich si gebrocht, un si henn da Manasse fesht gnumma mitt hohka, henn een gebunna mitt kedda, un henn een zu Babylon gnumma.

Psalm 149:8

un so es si iahra kaynicha binna mitt kedda, un iahra eldishti mitt eisichi banda,

2. Mosi 11:5

un awl di eahsht-geboahrani im land Egypta zayla shtauva, fumm eahshta boo fumm Pharao, deah vo uf seim kaynich-shtool hokt, biss an da eahsht boo funn di mawt es hinnich em meel-shtay shaft. Un di eahsht-geboahrana funn di kee zayla aw doht gay.

Shpricha 14:14

Di gottlohsa vadda zrikk betzawld fa iahra vayya, avvah en goodah mann zayld zufridda sei mitt seini.

Shpricha 2:19

Kenni es zu iahra gayn kumma viddah zrikk, adda drayya zrikk zumm vayk funn layva.

Shpricha 5:22

Di sinda funn en gottlohsah mann fanga een, un eah vatt kohva mitt di shtrikk funn sei sinda.

Jesoiya 47:2

Nemm da meel-shtay un mawl mayl, dekk dei kobb ab. Hayb dei rokk uf, mach dei bay blutt, un lawf deich's vassah.

Jeremia 39:7

No hott eah em Zedekia sei awwa raus kshtocha un hott een gebunna mitt kedda fa een noch Babylon nemma.

Glawk-Leedah 5:13

Di yunga mennah missa mawla an di meel-shtay, un di boova shtolbahra unnich di gvicht funn feiyah-hols.

4. Mosi 16:14

Un vass may is, du hosht uns nett in en land gebrocht es lawft mitt millich un hunnich, un uns en eahbshaft gevva mitt feldah un vei-goahra. Zaylsht du dee mennah di awwa raus shtohsa? Nay, miah zayla nett kumma!”

Matthäus 24:41

Zvay veibsleit zayla am mawla sei an di meel; ayni vatt gnumma un di annah bleibt zrikk.

Richtah 16:20

See hott ksawt, “Di Philishtah sinn diah nohch, Samson!” Eah is vakkah vadda un hott gedenkt, “Ich gay naus vi difoah un shiddel mich lohs.” Avvah eah hott nett gvist es da Hah een falossa katt hott.

Richtah 16:22

Avvah di hoah uf seim kobb henn ohkfanga viddah raus vaxa noch demm es si abkshnidda gvest voah.