Psalm 87:4 - Pennsylvania Dutch Bible

⁴ “Ich zayl Egypta un Babylon mitt selli es mich kenna, un aw Philishtia, Tyrus un Ethiopia— Si sawwa, ‘Deah do voah datt geboahra.’”

Psalm 87:4 Σταυροειδείς Αναφορές

Hiob 9:13

Gott dutt sei zann nett zrikk hayva, di helfah fumm Rahab missa sich beeya unnich sei fees.

Psalm 137:1

An di revvahra funn Babylon henn miah kokt un keild, vo miah an Zion gedenkt henn.

Psalm 45:12

'S maydel funn Tyrus zayld kumma mitt en kshenk, reichi leit gukka fa kfellich vadda zu diah.

Psalm 68:31

Aus Egypta kumma evvahshti es kshikt sinn, Ethiopia zayld kshvind iahra hend naus shtrekka zu Gott.

Psalm 89:10

Du hosht's diah Rahab fadrikt un doht gmacht, un dei feinda ausnannah kshtroit mitt dei shteikah oahm.

Jesoiya 19:11

Di evvahshti funn Zoan sinn nett oahrich ksheit, un em Pharao sei grohsi roht-gevvah, gevva dummah roht. Vi kansht du sawwa zumm Pharao, “Ich binn en mann mitt veisheit, un kumm funn di alda kaynicha heah”?

Jesoiya 51:9

Vekk uf, vekk uf, mach dich shteik, du oahm fumm Hah. Vekk uf, so vi in di alda dawwa, so vi in di layves-zeida funn lang zrikk. Voah's nett dich es Rahab fahakt hott, es es dracha-diah deich kshtocha hott?

Jeremia 25:9

dann roof ich awl di leit funn di natt un mei gnecht da Nebukadnezar, da kaynich funn Babylon,” sawkt da Hah, “un ich bring si geyyich dess land un di leit es drinn voona, un geyyich awl di anra lendah drumm rumm. Ich fadaub si biss nix may ivvahrich is; ich mach si en kshpott, grausam un du si ayvichlich faveeshta.

Ezekiel 28:2

“Mensha-kind, sawk zumm feddahshta funn Tyrus, ‘Dess is vass da Awlmechtich Hah sawkt: Veil dei hatz shtols is, un du sawksht, “Ich binn en gott; ich hokk uf em kaynich-shtool funn di gettah in di mitt fumm say—” avvah du bisht en mensh, nett en gott, doch maynsht du du hosht di veisheit funn en gott.

Daniel 4:30

No hott eah ksawt, “Gukk moll an dess grohs Babylon es ich gebaut habb fa mei kaynich haymet. Ich habb dess gebaut mitt mei mechtichi graft, un fa mei aykni eah un hallichkeit.”

Di Apostelgeschichte 8:27

Da Philippus is ufkshtanna un is ganga. Datt voah en mann funn Ethiopia, en kammah-gnecht, es feel macht katt hott unnich di Kandace, di kaynich-fraw funn di Ethiopians. Eah hott acht gevva uf awl iahra geld, un voah noch Jerusalem kumma fa ohbayda.

Di Offenbarung 17:5

Un uf iahra shtann voah en nohma kshrivva es en fashtekkeldi mayning hott, “DI GROHS BABYLON, DI MUDDAH FUNN HUAHRA UN DI GRAUSLICHA SACHA FUNN DI VELD.”

Di Offenbarung 18:2

Eah hott mechtichlich naus gegrisha mitt en shteiki shtimm, un hott ksawt, “See is kfalla, see is kfalla, di grohs Babylon is kfalla. See is di haymet vadda funn deivela, un alli grauslichah geisht bleibt datt, un aw alli unreinah un hassichah fokkel.

1. Samuel 17:8

Eah hott kshtanna un naus gegrisha zu di greeks-leit funn Israel un hott ksawt, “Favass shtellet diah eich uf un rishtet eich fa fechta? Binn ich nett en Philishtah un diah sind gnechta fumm Saul? Layset en mann raus unnich eich un losset een runnah kumma zu miah.