Psalm 82:2 - Pennsylvania Dutch Bible

² Vi lang zayla diah unrecht richta, un ufshtay fa di gottlohsa? (Sela)

Psalm 82:2 Σταυροειδείς Αναφορές

1. Kaynicha 18:21

No is da Elia fannich di leit ganga un hott ksawt, “Vee lang vaklet diah uf zvay seida? Vann da Hah Gott is, dann gaynd eem nohch, avvah vann da Baal Gott is, dann gaynd eem nohch.” Avvah di leit henn nix ksawt.

2. Chronik 19:7

Losset di furcht fumm Hah uf eich sei, un gevvet acht vi diah richtet, fa da Hah unsah Gott hott nix zu du mitt ungerechtichkeit, ayseidich sei, adda kshenkah nemma hinna rumm.”

Hiob 32:21

Ich zayl kenn seit nemma in demm, un ich zayl kenn mensh ohshmaychla.

Hiob 34:19

deah es nett ayseidich is zu evvahshti, un es nett unnahshidlich is zu di reicha ivvah di oahma? Sinn si nett awl di eahvet funn sei hend?

Psalm 62:3

Vi lang gaynd diah uf en mann lohs, deah es diah awl doht macha vellet— deah es is vi en shrayksi vand un en fabrochani fens?

2. Mosi 10:3

Da Mosi un da Aaron sinn no zumm Pharao ganga un henn ksawt zu eem, “Dess is vass da Hah, da Gott funn di Hebrayah sawkt, ‘Vee lang shteibahsht du dich fa dich daymeedich macha fannich miah? Loss mei leit gay, so es si mich deena kenna.

Shpricha 18:5

Es is nett recht fa en shuldichah mann gay lossa, un da unshuldich mann halda funn sei recht greeya.

Ezekiel 45:9

Dess is vass da Awlmechtich Hah sawkt: Diah sind veit genunk ganga, diah feddahshti funn Israel! Doond vekk mitt eiyah veeshtah unfashtand un ivvah-dreddes, un doond vass recht un goot is. Heahret uf di heisah un's land vekk nemma funn mei leit, sawkt da Awlmechtich Hah.

3. Mosi 19:15

Diah sellet nett uneahlich sei in eiyah gericht. Diah sellet kenn unnahshitt macha fa di oahma, un aw di mechticha nett bei-shtay. Avvah diah sellet feah sei vann diah eiyah nochbah richtet.

Matthäus 17:17

Un Jesus hott ksawt, “Oh diah unglawvichi leit funn deahra zeit, vi lang soll ich bei eich sei? Vi lang soll ich geduldich sei mitt eich? Bring da boo zu miah.”

Galater 2:6

Un veyya selli vo nuff gegukt voahra ditzu, (vass si voahra macht miah nix aus; Gott macht kenn unnahshitt unnich mensha) selli leit henn miah kenn anri leah gevva.

5. Mosi 1:17

Diah sellet kenn unnahshitt macha in eiyah richtes. Heichet di grohsa un di glenna gleicha oh. Feichet eich nett veyyich ennichah mann, fa richtes is funn Gott. Vann avvah en sach zu hatt is fa eich, dann bringet's zu miah, no heich ich's ab”