Psalm 80:4 - Pennsylvania Dutch Bible

⁴ Oh Hah, Almechtichah Gott, vi lang zaylsht du zannich sei mitt di gebaydah funn dei leit?

Psalm 80:4 Σταυροειδείς Αναφορές

Psalm 31:17

Loss mich nett in da shohm gebrocht sei, oh Hah, fa ich roof zu diah. Loss di gottlohsa sich shemma, loss si shtill im grawb leiya.

Psalm 4:7

Du hosht frayt in mei hatz gedu, may es si henn vann si feel frucht un neiyah vei henn.

Psalm 59:5

Oh Hah, Awlmechtichah Gott, du Gott funn Israel, vekk uf un shtrohf awl di heida. Sei nett bamhatzich zu selli es roht nemma fa evil du. (Sela)

Psalm 60:3

Du hosht dei leit gmacht soffahra, du hosht uns vei gevva zu drinka es uns macht shtaekkahra.

Psalm 74:1

Oh Gott, favass hosht du uns falossa vi dess fa'immah? Favass shmohkt dei zann geyyich di shohf funn dei vayt-feld?

Psalm 79:5

Vi lang, oh Hah? Zaylsht du bays sei fa'immah? Zayld dei zann ohhalda brenna vi feiyah?

Psalm 85:5

Zaylsht du bays sei ivvah uns fa'immah? Zayld dei zann nee nett ufheahra?

Glawk-Leedah 3:44

Du hosht dich zu gedekt mitt en volk, so es kenn gebayt deich kumma kann.

Daniel 9:17

Nau, unsah Gott, heich di gebaydah ab funn dei gnecht un sell es eah frohkt difoah. Fa dei sayk, oh Hah, sei gnaydich un loss dei ksicht uf da tempel sheina es nunnah grissa is.

5. Mosi 29:20

Da Hah zayld nett gnaydich sei zu so en mann, avvah sei haysah zann zayld brenna geyyich een. Awl di flucha in demm buch zayla uf een falla, un da Hah reibt sei nohma aus unnich em gansa himmel.