Psalm 76:8 - Pennsylvania Dutch Bible

⁸ Du hosht dei richtes vissa glost fumm himmel, un di eaht hott sich kfeicht un voah shtill,

Psalm 76:8 Σταυροειδείς Αναφορές

2. Kaynicha 22:13

“Gaynd un frohwet da Hah fa mich, fa di leit un fa gans Juda veyyich di vadda funn demm buch es kfunna voah. Em Hah sei zann is grohs un brend geyyich uns veil unsah foah-feddah di vadda funn demm buch nett keicht henn. Si henn nett gedu vass kshrivva is drinn veyyich uns.”

1. Chronik 16:25

Da Hah is grohs, un is es veaht fa glohbt sei; un eah soll kfircht sei ovvich alli gettah.

1. Chronik 16:30

Di gans veld soll ziddahra fannich eem! Di eaht is fesht gegrund, un kann nett gmooft sei.

Nehemia 1:5

No habb ich ksawt: “Oh Hah, da Gott fumm himmel, du grohsah un shreklichah Gott. Du haldsht dei bund un dei shtandhaftichi-leevi fa selli es dich leeb henn un dei gebodda halda.

Hiob 25:2

“Gott is awlmechtich un leit missa een firchta, eah macht fridda im haychshta himmel.

Psalm 46:10

“Hayvet eich shtill, un visset es ich Gott binn. Ich zayl uf kohva sei bei di heida, ich zayl uf kohva sei in di eaht.”

2. Mosi 19:10

Da Hah hott no ksawt zumm Mosi, “Gay zu di leit un mach si heilich heit un meiya. Si sella iahra glaydah vesha,

Jeremia 10:10

Avvah da Hah is da recht Gott; eah is da levendich Gott, un da ayvich Kaynich. Vann eah bays vatt, dann shiddeld di eaht; di heida kenna sei zann nett shtenda.

Jeremia 49:19

“Vi en layb am ruff kumma aus em deefa bush fumm Jordan zu en gree vayt-land, so yawk ich di Edomiddah bletzlich vekk funn iahra land; un sellah es ich raus roof vatt ivvah si ksetzt. Veah is vi ich binn, un veah kann ufshtay geyyich mich fannich em richtah? Un vo is da shohf-heedah es ufshtay kann geyyich mich?”

Nahum 1:6

Veah kann fannich seim zann shtay? Veah kann sei haysah zann shtenda? Sei zann brend vi feiyah, un macht di felsa in shtikkah fabrecha.

Habakuk 2:20

Avvah da Hah is in seim heilicha tempel; loss di gans eaht shtill sei fannich eem.”

Sacharia 2:13

Seind shtill fannich em Hah, awl mensha, fa da Hah hott sich ufgraykt funn seim heilicha voon-blatz.”

Richtah 5:20

Fumm himmel henn di shtanna kfochta, funn iahra pawda henn di shtanna kfochta geyyich da Sisera.