Psalm 74:20 - Pennsylvania Dutch Bible

²⁰ Denk an dei bund, fa di dunkla bletz fumm land sinn foll unfashtendlichi leit.

Psalm 74:20 Σταυροειδείς Αναφορές

2. Samuel 23:5

Is nett mei haus so mitt Gott? Fa eah hott en ayvich bund gmacht mitt miah, es grisht is un fesht gmacht gans deich. Kann ich mich nett falossa uf sei hilf, un es eah mei alli falanga gebt zu miah?

Psalm 105:8

Eah denkt immah an sei bund, an's vatt es eah gebodda hott zu dausends funn dee es nohch kumma zayla,

Psalm 106:45

No hott eah an sei bund gedenkt mitt eena, un deich sei grohsi leevi hott eah nohch glost.

Psalm 5:8

Fiah mich, oh Hah, in dei gerechtichkeit, veil ich feel feinda habb. Mach dei vayk grawt fannich miah.

Psalm 89:28

Mei shtandhaftichi-leevi hald ich immah fa een, un mei bund zayld fesht shtay fa een.

Psalm 89:39

Du hosht dei bund gebrocha mitt deim gnecht; du hosht sei krohn nunnah in da shtawb kshmissa.

Jeremia 14:21

Fa di sayk funn deim nohma, du uns nett fa'achta; du dei hallichah kaynich-shtool nett fashohma. Denk an dei bund mitt uns, un du's nett brecha.

5. Mosi 12:31

Diah sellet da Hah eiyah Gott nett deena da vayk es si iahra gettah deena, veil vann si iahra gettah deena doon, dann doon si heslichi sacha es da Hah hast. Si doon even iahra boova un mayt fabrenna im feiyah fa opfahra macha zu iahra gettah.

5. Mosi 9:27

Fagess nett dei gnechta, da Abraham, da Isaac un da Jakob. Gukk nett an vi dikk-kebbich es dee leit sinn, adda an iahra ungerechtichkeit un iahra sind.

Hebräer 8:10

Dess is es bund es ich macha zayl mitt em haus funn Israel noch selli dawwa, sawkt da Hah: Ich zayl mei Ksetz in iahra meind du un's uf iahra hatza shreiva. Ich zayl iahra Gott sei un si zayla mei leit sei.