Psalm 74:18 - Pennsylvania Dutch Bible

¹⁸ So denk droh vi dei feinda dich fashpott henn, oh Hah, un vi di unksheida leit dei nohma faleshtaht henn.

Psalm 74:18 Σταυροειδείς Αναφορές

2. Kaynicha 19:4

Fleicht hott da Hah dei Gott di vadda keaht fumm Rabshake, deah es da kaynich funn Assyria kshikt hott fa da levendich Gott fashpodda. Un fleicht shtrohft eah een fa di vadda es da Hah dei Gott keaht hott. Fasell bayt fa selli funn unsah leit es noch ivvahrich sinn.”

2. Chronik 32:19

Si henn kshvetzt veyyich em Gott funn Jerusalem es vann eah ayns funn di gettah funn di veld veah, es vann eah di eahvet funn mensha hend veah.

Psalm 137:7

Oh Hah, fagess nett vass di Edomiddah ksawt henn uf em dawk vo Jerusalem kfalla is. Si henn ksawt, “Reis es nunnah, reis es nunnah biss uf da grund!”

Psalm 39:8

Mach mich frei funn awl mei sinda, un loss mich nett en kshpott vadda bei di unksheida.

Psalm 41:1

Ksaykend is sellah es sich bekimmaht veyyich di shvacha; da Hah gebt acht uf een im dawk funn druvvel.

Psalm 74:22

Shtay uf, oh Gott, un fecht fa dei recht, denk droh vi di gottlohsa dich fashpodda da gans dawk.

Glawk-Leedah 5:1

Denk an uns, oh Hah, denk vass es gevva hott zu uns; gukk un sayn unsah shohm.

Ezekiel 20:14

Avvah fa di sayk funn meim nohma habb ich zrikk kohva so es mei nohma nett unheilich vatt in di awwa funn di heida, selli es es ksenna henn vo ich Israel raus gebrocht habb.

Ezekiel 35:13

Diah hend eich uf gebraekt geyyich mich un kshvetzt geyyich mich, un ich habb's keaht.

5. Mosi 32:27

Avvah ich habb nett havva vella es iahra feinda braekka, un dess letz fashtayn, un sawwa, ‘Miah sinn si ivvah-kumma; da Hah hott dess nett gedu.’”

5. Mosi 32:6

Is dess da vayk es diah da Hah zrikk betzawlet, diah dummi un unkshikti leit? Is eah nett eiyah Faddah un eiyah Hah, deah es eich gmacht hott un ufketzt hott?

Di Offenbarung 16:19

Di grohs shtatt is in drei daylah kshpalda un di shtett funn alli lendah sinn zammah nunnah kfalla. Gott hott grohs Babylon nett fagessa. Eah hott iahra's kobli gevva mitt em vei funn sei heslichah zann.