Psalm 73:6 - Pennsylvania Dutch Bible

⁶ Fasell doon si iahra hohchmoot veahra vi en keshtlichi hals-kett, un iahra unfashtand dekt si zu vi glaydah.

Psalm 73:6 Σταυροειδείς Αναφορές

1. Mosi 41:42

No hott da Pharao sei ring mitt sei seal ab funn sei hand gnumma un hott en am Joseph sei hand gedu. Eah hott eem feini glaydah ohgedu, un hott en goldich ketli um sei hals rumm.

Esther 3:1

Noch demm hott da Kaynich Ahasveros da Haman haychah ksetzt in sei kaynich-reich. Eah hott eem en shtool gevva ivvah awl di anra feddahshti gnechta. Da Haman voah em Hammedatha sei boo funn di nohch-kummashaft fumm Agag.

Psalm 109:18

Eah hott da fluch gvoahra vi en glayt, loss en fluch in sei leib gay vi vassah, un in sei gnocha vi ayl.

Psalm 109:29

Loss selli es mich pshuldicha geglayt sei mitt shohm, loss si iahra shohm veahra vi en vammes.

Shpricha 1:9

Iahra lanning is vi shayni blumma uf deim kobb, adda en kett fa dei hals.

Shpricha 3:31

Sei nett jealous funn ennich ebbah es gvald yoost, un du nett vi eah dutt.

Shpricha 4:17

Si essa's broht funn ungerechtichkeit, un drinka da vei funn gvald.

Breddichah 8:11

Vann di shtrohf fa en evil ding nett kshvind ausgedrawwa vatt, dann vadda di hatza funn mensha folshtendich ksetzt fa evil du.

Hohches Leet 4:9

Du hosht mei hatz kshtohla, mei shveshtah, mei hochtzich-maydel; du hosht mei hatz kshtohla mitt ay blikk funn deim awk, mitt ay keshtlichah shtay in dei hals-kett.

Jesoiya 3:19

di kedda, di eahm-rings, di ksicht-dichah,

Jeremia 48:11

“Funn yungem uf henn em Moab sei feinda een roowa glost. Sei leit voahra nee nett in di kfangashaft gnumma. Fasell is eah vi vei es nett ufkshtatt is, un nee nett funn aym haffa in da annah gleaht. Deich sell is sei kshmakk un flayvah nett fa'ennaht vadda.

Jeremia 48:29

Miah henn keaht veyyich di hohchmoot fumm Moab; eah is oahrich grohs-feelich. Eah is frech un shtols, un sei hatz is ufgeblohsa.”

Ezekiel 16:11

Ich habb keshtlichi shtay an dich gedu, habb banda um dei eahm gedu un en kett um dei hals.

Daniel 4:30

No hott eah ksawt, “Gukk moll an dess grohs Babylon es ich gebaut habb fa mei kaynich haymet. Ich habb dess gebaut mitt mei mechtichi graft, un fa mei aykni eah un hallichkeit.”

Micha 3:5

Dess is vass da Hah sawkt veyyich di brofayda es mei leit letz fiahra: “Vann ebbah si feedaht, dann fashprecha si eem fridda. Avvah vann eah si nett feedaht, dann rishta si fa greek macha geyyich een.

5. Mosi 32:15

Da Jesurun is fett vadda un hott gekikt; eah voah fett un dikk un shteik. Eah hott da Gott falossa es een gmacht hott, un da Felsa fa'acht es een saylich macht.

1. Petrus 5:5

In en gleichlichah vayk, diah vo yingah sind, gevvet eich unnich selli vo eldah sinn. Glaydet eich mitt daymoot geyyich nannah, fa “Gott veaht sich geyyich di shtolsa, avvah gebt gnawt zu di daymeedicha.”

Richtah 8:26

Alles zammah henn di goldicha oahra-rings baut drei un fatzich pund gvohwa. Dess voah unni di anri keshtlichi sacha, vi hals-kedda un purpeli glaydah es di kaynicha funn Midian gvoahra henn, adda di kedda um di kamayla iahra hels rumm.