Psalm 72:12 - Pennsylvania Dutch Bible

¹² Eah macht selli frei es noht henn vann si zu eem roofa, un helft di oahma es kenn hilf henn.

Psalm 72:12 Σταυροειδείς Αναφορές

2. Samuel 14:16

Fleicht heaht da kaynich mich un hald mich aus di hand funn sellah es am broviahra is fa mich un mei boo halda funn di eahbshaft es Gott uns gevva hott.’

Hiob 29:12

veil ich di oahma frei gmacht habb es groofa henn fa hilf, un selli unni eldra es nimmand katt henn fa eena helfa.

Hiob 36:15

Eah setzt di aylendicha frei funn iahra aylend, un shvetzt zu eena in iahra dreebsawl.

Psalm 10:17

Du heahsht da falanga funn di daymeedicha, oh Hah, du machsht si shteik im hatz un heichsht si oh.

Psalm 102:17

Eah heicht di gebaydah ab funn di falossana; eah fa'acht iahra gebayt nett.

Psalm 102:20

Eah hott's geyammah keaht funn di kfangana, un hott selli lohs gedrayt es doht gmacht sei henn sella.

Psalm 55:17

Ohvets, meiyets un middawks doon ich heila un mich beglawwa, un eah heaht mei shtimm.

Psalm 72:4

Eah soll di oahma funn di leit recht yoosa, selli helfa es noht henn, un selli nunnah dredda es anri nunnah dredda.

Shpricha 29:7

En gerechtah mann vayst vass di oahma iahra recht is, avvah en gottlohsah mann fashtayt so sach nett.

Breddichah 4:1

No habb ich viddah gegukt un habb awl's unrecht ksenna es am ohgay voah unnich di sunn: Ich habb's awwa-vassah ksenna funn di nunnah-gedreddana— si henn nimmand fa si drayshta. Di graft voah uf di nunnah-dreddah iahra seit— di nunnah-gedreddana henn kenn drayshtah.

Jesoiya 41:17

Di aylendicha un oahma zayla sucha fa vassah, avvah's is kens datt; iahra zunga sinn drukka mitt dasht. Avvah, ich da Hah, gebb eena andvat; ich, da Gott funn Israel, loss si nett nunnah.

Lukas 4:18

“Da Geisht fumm Hah is uf miah, veil eah mich ksalbt hott un raus groofa hott fa's Effangaylium breddicha zu di oahma, un fa selli hayla mitt gebrocheni hatza. Eah hott mich kshikt fa breddicha zu dee vo kfanga sinn, es si frei sei sella; zu dee vo blind sinn, es si viddah sayna kenna; un zu dee vo nunnah gedredda sinn, es si aw frei sei sella,

Lukas 7:22

No hott eah em Johannes sei yingah ksawt, “Gaynd un sawwet em Johannes vass diah ksenna un keaht henn: di blinda kenna sayna, di lohma kenna lawfa, dee mitt aussatz vadda sauvah, di dawba kenna heahra, di dohda vadda uf gvekt, un di oahma greeya's Effangaylium gebreddicht zu eena.

2. Korinther 8:9

Diah visset di gnawt funn unsahm Hah Jesus Christus. Diveil es eah reich voah is eah oahm vadda fa eich, un deich dess es eah oahm vadda is, hott eah eich reich gmacht.

Hebräer 7:25

Deich sell kann eah selli ayvichlich saylich macha es zu Gott kumma deich een, veil eah immah laybt fa si uf hayva im gebayt.

1. Samuel 22:2

Un alli sadda leit henn sich fasammeld mitt eem—selli in druvvel, selli in di shuld un selli es nett zufridda voahra—un eah is eena foah-ganga. 'S voahra baut fiah hunnaht mennah bei eem.