Psalm 71:18 - Pennsylvania Dutch Bible

¹⁸ Un nau even vann ich ald un groh binn, du mich nett falossa, oh Gott, biss ich dei macht fakindicht habb zu di kinds-kinnah, un dei graft zu selli es nohch kumma.

Psalm 71:18 Σταυροειδείς Αναφορές

1. Mosi 27:1

Nau is es zu kumma vo da Isaac moll ald voah un sei awwa zu blind voahra fa sayna, hott eah sei eldshtah boo da Esau, rei groofa un hott ksawt zu eem, “Mei sohn.” Un eah hott ksawt, “Do binn ich.”

Psalm 22:31

Si zayla sei gerechtichkeit breddicha zu leit es noch nett geboahra sinn, un zayla sawwa vass da Hah gedu hott.

Psalm 48:14

Fa deah Gott is unsah Gott fa'immah; eah fiaht uns biss an's end.

Psalm 71:9

Shmeis mich nett vekk vann ich ald binn; du mich nett falossa vann ich kenn grefta may habb.

Psalm 78:4

Miah fashtekla dess nett funn iahra kinnah, avvah miah fazayla's zu iahra nohch-kummashaft, di hohch gepreisti kshefta fumm Hah, sei macht, un di vundahboahra sacha es eah gedu hott.

Psalm 78:6

Dess is so es iahra nohch-kummashaft si lanna doon, even di kinnah es noch nett geboahra sinn, un es si no iahra kinnah dess sawwa sella.

2. Mosi 13:8

Uf sellah dawk solsht du deim sohn sawwa, ‘Ich du dess fa zrikk denka an vass da Hah gedu hott fa mich vo ich aus Egypta kumma binn.’

Jesoiya 46:4

Even biss diah ald un veis-groh sind, dann binn ich sellah es eich drawkt. Ich habb eich gmacht un zayl eich drawwa. Ich drawk eich un mach eich frei.

Jesoiya 51:9

Vekk uf, vekk uf, mach dich shteik, du oahm fumm Hah. Vekk uf, so vi in di alda dawwa, so vi in di layves-zeida funn lang zrikk. Voah's nett dich es Rahab fahakt hott, es es dracha-diah deich kshtocha hott?

Jesoiya 53:1

Veah hott geglawbt vass miah nau sawwa, un zu vemm voah di graft fumm Hah sei oahm gvissa?

Di Apostelgeschichte 13:36

Da Dawfit, noch demm es eah Gott gedeend katt hott in sei zeit, is no kshtauva un voah fagrawva mitt di foah-eldra, un is fafauld.

1. Samuel 4:15

Nau da Eli voah acht un neintzich yoah ald, un sei awwa voahra dunkel so es eah nett sayna hott kenna.

1. Samuel 4:18

Vo eah ksawt hott veyyich di Bundes-Lawt funn Gott, is da Eli hinnahsich ab funn seim shtool kfalla nayvich em doah. Sei hals is fabrocha un eah is kshtauva, fa eah voah en aldah mann un oahrich shveah. Eah is Israel foah-ganga fa fatzich yoah.