Psalm 7:9 - Pennsylvania Dutch Bible

⁹ Mach di ungerechtichkeit funn di gottlohsa shtobba, avvah mach di gerechta shtandhaftich. Du bisht en gerechtah Gott, un broviahsht di hatza un gedanka.

Psalm 7:9 Σταυροειδείς Αναφορές

1. Mosi 20:5

Hott eah nett ksawt zu miah, ‘See is mei shveshtah’? Un see selvaht hott ksawt, ‘Eah is mei broodah.’ Ich habb dess gedu mitt en blohk-frei hatz un unshuldichi hend.”

1. Kaynicha 8:32

no heich's ab im himmel un shaff's aus. Richt zvishich dei gnechta, fadamm sellah es shuldich is un bring's runnah uf sei ayknah kobb, avvah hayb sellah gerecht es unshuldich is noch sei gerechtichkeit.

1. Chronik 28:9

Un du, mei boo Solomon, lann da Gott funn dei faddah kenna un deen een mitt dei gans hatz un mitt en villichi sayl. Fa da Hah sucht di hatza aus, un fashtayt alles es di gedanka im sinn henn. Vann du een suchsht, zaylsht du een finna; avvah vann du een falosht, dann shtohst eah dich vekk fa'immah.

Psalm 10:15

Fabrech da oahm fumm gottlohsa un evila mann. Such awl sei ungettlichkeit raus, biss kens may kfunna sei kann.

Psalm 10:18

Du dusht recht zu kinnah unni eldra un di nunnah-gedreddana, so es da mensh funn di eaht leit nimmi nunnah dredda kann.

Psalm 11:5

Da Hah broviaht di gerechta un di gottlohsa aus, un selli es gvald gleicha dutt em Hah sei sayl hassa.

Psalm 139:1

Oh Hah, du hosht mich innahlich ausksucht, un du kensht mich.

Psalm 17:3

Du hosht mei hatz ausbroviaht; du bisht zu miah kumma deich di nacht; du hosht mich broviaht un hosht nix kfunna. Ich habb ausgmacht es mei maul zayld nett sindicha.

Psalm 18:21

Ich habb da vayk fumm Hah kalda, un habb nett letz gedu bei vekk drayya fumm meim Gott.

Psalm 26:2

Gukk mich ivvah, oh Hah, un broviah mich aus, broviah mei hatz un mei meind aus.

Psalm 35:23

Shtay uf, kumm un shtekk uf fa mich, shtay uf fa mei recht, mei Gott un mei Hah.

Psalm 37:23

En goodah mann sei shritt sinn grawt kalda beim Hah, un sei vayk is eem kfellich.

Psalm 40:2

Eah hott mich ruff aus em kfeahlich loch gezowwa, aus em shleim un drekk. Eah hott mei fees uf en felsa kshteld, so es ich uf haddah grund lawfa kann.

Psalm 43:1

Shaff's aus fa mei recht, oh Gott, un nemm mei sacha uf geyyich en ungettlich folk, mach mich frei funn zvay-ksichtichi un falshi mensha.

Psalm 44:21

dayt Gott dess nett ausfinna? Fa eah vayst alles es im hatz is.

Psalm 58:6

Oh Gott, fabrech di zay in di yunga layb iahra meilah; reis di fang-zay aus iahra meilah, oh Hah!

Psalm 9:9

Da Hah is en sayfah Roo-Blatz fa di nunnah-gedreddana, en sayfah blatz an di zeit funn druvvel.

Psalm 96:10

Sawwet unnich di heida, “Da Hah is kaynich!” Eah hott di veld fesht ksetzt, un si kann nett gmooft sei; eah richt di leit recht.

Psalm 96:13

Si singa fannich em Hah, fa eah kumd, eah kumd fa di eaht richta. Eah zayld di veld richta in gerechtichkeit, un di leit in sei voahheit.

Psalm 98:9

loss si singa fannich em Hah, fa eah kumd fa di eaht richta. Eah richt di veld in gerechtichkeit, un di leit so vi's recht is.

Jeremia 11:20

No habb ich gebayda, “Oh Awlmechtichah Hah, du gerechtah richtah, du broviahsht's hatz un di gedanka; ich habb mei sacha ivvah-gedrayt zu diah, loss mich sayna vi du auseebsht ivvah si.”

Jeremia 17:10

“Ich, da Hah, gukk in's hatz un broviah di gedanka; ich gebb em mann vass zu eem heaht, bei vi eah laybt un vass eah dutt.”

Jeremia 20:12

Oh Awlmechtichah Hah, du es di gerechta ausbroviahsht, un in's hatz un in di meind guksht; loss mich dich sayna's ausnemma uf eena, fa ich habb mei sach in dei hend gedu.

Daniel 11:45

Eah zayld sei kaynich-tents ufhokka zvishich em say un em shayna Heilicha Berg. Avvah eah kumd an sei end, un nimmand zayld eem helfa.”

Di Apostelgeschichte 12:23

En engel fumm Hah hott een grawt nunnah kshlauwa, veil eah nett di eah zu Gott gevva hott. Un veahm henn da Herodes kfressa, un eah is kshtauva.

Römer 16:25

Nau lohb zu eem vo eich shteik macha kann deich mei Effangaylium un's gebreddich funn Jesus Christus. Deich dess sinn di deefa sacha funn Gott bekand gmacht vadda vo fashtekkeld kalda voahra siddah es di veld ohkfanga hott.

1. Thessalonicher 3:13

Dess is so es eah eiyah hatza shtandhaftich un unshuldich sinn in di heilichkeit fannich unsah Gott un Faddah vann unsah Hah Jesus Christus moll kumd mitt awl sei heilichi.

1. Petrus 5:10

Avvah da Gott funn alli gnawt, deah vo uns raus groofa hott zu sei ayvichi hallichkeit in Christus Jesus, zayld selvaht eich folkumma, shtandhaftich, greftich un gegrund macha, noch demm es diah glidda hend fa en katzi zeit.

Judas 1:1

Judas, en gnecht funn Jesus Christus un en broodah fumm Jakobus, zu selli vo groofa sinn, vo heilich gmacht sinn bei em Faddah un vo kalda sinn in Jesus Christus.

Di Offenbarung 2:23

Un ich shlakk awl iahra kinnah doht. No vissa awl di gmayna es ich sellah binn es di gedanka un hatza unnah-sucht, un ich gebb zu yaydah ebbah vass eah fadeend hott.

1. Samuel 16:7

Avvah da Hah hott ksawt zumm Samuel, “Gukk nett an vi eah gukt adda vi grohs es eah is, fa ich habb een nunnah gedrayt. Da Hah gukt nett an di sacha es da mensh saynd. Da mensh gukt an di autseit, avvah da Hah gukt an's hatz.”

1. Samuel 2:9

Eah heet di fees funn sei heilichi, avvah di gottlohsa vadda shtill gmacht im dunkla; fa deich macht dutt mann nett ivvah-kumma.