Psalm 7:8 - Pennsylvania Dutch Bible

⁸ Da Hah richt di mensha. Richt mich, oh Hah, noch mei gerechtichkeit un unshuld.

Psalm 7:8 Σταυροειδείς Αναφορές

1. Mosi 18:25

'Sis goah nett vi dich fa so en ding du—fa di gerechti umbringa mitt di ungerechta, es vann di gerechta un di ungerechta gleicha veahra. Dess is goah nett vi dich! Sett nett da Richtah funn di gans veld du vass recht is?”

1. Mosi 31:53

Da Gott fumm Abraham, un da Gott fumm Nahor un da Gott funn iahra faddah soll richta zvishich uns.” So hott da Jakob kshvoahra bei di Furcht funn seim faddah, da Isaac.

2. Chronik 20:12

Oh unsah Gott, zaylsht du si nett richta? Fa miah henn kenn graft fa geyyich so en grohsi drubb leit gay es am geyyich uns kumma is. Miah vissa nett vass zu du, avvah unsah awwa sinn uf diah.”

Psalm 11:4

Da Hah is in sei heilichah tempel; em Hah sei kaynich-shtool is im himmel. Sei awwa sayna, mitt sei awwa uf broviaht eah di kinnah funn mensha aus.

Psalm 25:21

Loss unshuld un ufrichtichkeit mich heeda, veil mei hofning in diah is.

Psalm 26:1

Shaff's recht aus fa mich, oh Hah, fa ich habb en unshuldich layva kfiaht, un ich habb mei hofning in dich gedu unni zveifla.

Psalm 26:11

Avvah fa mich, ich fiah en unshuldich layva, mach mich saylich, un sei gnaydich zu miah.

Psalm 41:12

Du hosht mich uf kohva veil ich du vass recht is un shtelsht mich ayvichlich fannich dich.

Psalm 43:1

Shaff's aus fa mei recht, oh Gott, un nemm mei sacha uf geyyich en ungettlich folk, mach mich frei funn zvay-ksichtichi un falshi mensha.

Psalm 78:72

So mitt en ufrichtich hatz hott eah si keet, un hott si kfiaht mitt begawbdi hend.

Psalm 82:1

Gott nemd sei blatz in di grohs fasamling, un is richtah unnich di gettah.

Psalm 9:8

Eah zayld di veld richta in gerechtichkeit, un zayld di leit roola mitt en recht gericht.

Psalm 96:13

Si singa fannich em Hah, fa eah kumd, eah kumd fa di eaht richta. Eah zayld di veld richta in gerechtichkeit, un di leit in sei voahheit.

Psalm 98:9

loss si singa fannich em Hah, fa eah kumd fa di eaht richta. Eah richt di veld in gerechtichkeit, un di leit so vi's recht is.

Shpricha 19:1

'Sis bessah fa en oahmah mann sei es lawft in unshuld, es vi en unksheidah mann sei es di unvoahret sawkt mitt sei leftz.

Di Apostelgeschichte 17:31

Eah hott en dawk ksetzt es eah di veld richta zayld mitt gerechtichkeit deich deah mann es eah avayld hott. Eah hott dess gvissa zu awl mensha vo eah een uf gvekt hott funn di dohda.”

2. Korinther 1:12

Nau dess is unsah frayt: unsah innahlich zeiknis sawkt uns es miah henn uns uf kfiaht in di veld mitt heilichkeit un gettlichah eahnsht, nett mitt menshlichi veisheit avvah in di gnawt funn Gott; un unsah lawf voah even may so geyyich eich.

1. Thessalonicher 2:10

Diah sind unsah zeiya, un so is Gott, vi heilich un gerecht un unshuldich es miah voahra unnich eich vo glawvich sind.