Psalm 69:2 - Pennsylvania Dutch Bible

² Ich binn am unnah gay in deefah drekk, un's is kenn haddah grund fa mei fees. Ich binn in deef vassah, un di vella sinn am ivvah mich kumma.

Psalm 69:2 Σταυροειδείς Αναφορές

Hiob 22:11

Sell is favass es es dunkla dich hald funn sayna, un's vassah dich zu dekt.

Psalm 32:6

Fasell loss alli-ebbah es gettlich is bayda zu diah, diveil es du kfunna sei kansht; no vann hohchi vassahra kumma, langa si nett nuff zu eem.

Psalm 40:2

Eah hott mich ruff aus em kfeahlich loch gezowwa, aus em shleim un drekk. Eah hott mei fees uf en felsa kshteld, so es ich uf haddah grund lawfa kann.

Jeremia 38:22

Awl di ivvahricha veibsleit im kaynich-haus fumm kaynich funn Juda zayla raus gebrocht vadda zu di evvahshti fumm kaynich funn Babylon. Dess is vass si sawwa zayla zu diah: ‘Du hosht dei beshti freind gedraut; si henn ivvah-gnumma un dich fafiaht. Diveil es dei fees im drekk kshtokka henn, henn si dich falossa un dich shtekka glost.’

Jeremia 38:6

No henn si da Jeremia gnumma un henn een in en sistahn kshmissa es zumm Malkia, em kaynich sei boo, keaht hott. Deah sistahn voah im foah-hohf fumm kfengnis. Si henn da Jeremia nunnah in da sistahn glost mitt shtrikka. Da sistahn hott kenn vassah drinn katt avvah yusht drekk, un da Jeremia is nunnah in da drekk nei ksunka.

Jona 2:6

Ich binn nunnah ganga biss unna an di berga. Di eaht iahra rikkel henn mich eikshpatt fa'immah. Avvah du, oh Hah, mei Gott, hosht mich levendich aus demm deef loch kfiaht.

Matthäus 7:25

No hott's hatt greyyaht un's vassah is hohch vadda, un da vind hott veddah sell haus geblohsa, avvah's is nett zammah kfalla, veil's uf da felsa gebaut voah.