Psalm 68:29 - Pennsylvania Dutch Bible

²⁹ Deich dei tempel an Jerusalem, zayla kaynicha kshenkah zu diah bringa.

Psalm 68:29 Σταυροειδείς Αναφορές

1. Kaynicha 10:10

See hott em kaynich 4½ tons gold gevva, un feel shpeises un keshtlichi shtay. Nee nett sinn so feel shpeises rei kumma es selli es di kaynich-fraw funn Sheba zumm Kaynich Solomon gevva voah.

1. Chronik 29:3

Un deich di grohs leevi es ich habb fa's haus funn meim Gott, dann gebb ich mei ayya gold un silvah fa da tempel funn meim Gott—dess is ovvich em sach es ich kseikt habb fa deah heilich tempel bauwa.

2. Chronik 32:23

Feel leit henn no opfahra gebrocht zu Jerusalem fa da Hah un aw keshtlichi kshenkah zumm Kaynich Hiskia funn Juda. Un noch sellem voah eah hohch ufkohva bei awl di heida.

2. Chronik 32:33

Da Hiskia hott no kshlohfa mitt sei foah-feddah, un si henn een fagrawva im evvahsht dayl funn di grayvah vo em Dawfit sei nohch-kummashaft is. Gans Juda un di leit funn Jerusalem henn eah gevva zu eem an seim doht. Sei boo da Manasse is no kaynich vadda in seim blatz.

Nehemia 2:8

Un dauf ich en breef havva zumm Asaph, da ivvah-saynah fumm kaynich sei bush, so es eah miah hols gebt fa balka macha fa di doahra fumm greeks-gebei beim tempel, fa di shtatt-mavvah un fa's haus es ich drinn voona vill?” Un da kaynich hott miah dee breefa gevva veil di gnaydich hand funn meim Gott uf miah voah.

Psalm 45:12

'S maydel funn Tyrus zayld kumma mitt en kshenk, reichi leit gukka fa kfellich vadda zu diah.

Psalm 76:11

Machet fashprechinga zumm Hah eiyah Gott, un haldet si. Awl selli um een rumm sella kshenkah zu eem bringa, un sella sich feicha veyyich eem.

Jesoiya 18:7

An selli zeit vadda kshenkah gebrocht zumm Awlmechticha Hah, funn en leit es lang sinn mitt gladdi haut, un es furcht bringa zu anri leit ivvahrawl, en shreklich un shteik folk, es en land hott, fadayld mitt revvahra. Di kshenkah vadda gebrocht uf da Berg Zion, da blatz fumm Awlmechticha Hah sei Nohma.