Psalm 67:6 - Pennsylvania Dutch Bible

⁶ Es land hott sei eahn gevva, un Gott, unsah Gott, hott uns ksaykend.

Psalm 67:6 Σταυροειδείς Αναφορές

1. Mosi 17:7

Un ich vill mei bund macha zvishich miah un diah un dei nohch-kummashaft noch diah, un iahra nohch-kummashaft. Dess soll en ayvich bund sei, es ich dei Gott sei zayl un da Gott funn dei nohch-kummashaft.

Psalm 48:14

Fa deah Gott is unsah Gott fa'immah; eah fiaht uns biss an's end.

2. Mosi 3:15

Un Gott hott veidah ksawt zumm Mosi, “Dess solsht du sawwa zu di Kinnah-Israel, ‘Da Hah, da Gott funn eiyah foah-feddah—da Gott fumm Abraham, da Gott fumm Isaac un da Gott fumm Jakob—hott mich zu eich kshikt.’ Sell is mei nohma fa'immah, da nohma es ich gay dibei funn nohch-kummashaft zu nohch-kummashaft.

Jesoiya 1:19

Vann diah villing sind un miah heichet, dann zaylet diah's besht frucht fumm land essa;

Jeremia 31:1

“An selli zeit,” sawkt da Hah, “zayl ich da Gott sei funn awl di kshlechtah funn Israel, un si zayla mei leit sei.”

Jeremia 31:33

“Avvah dess is es bund es ich macha zayl mitt em haus funn Israel noch selli dawwa;” sawkt da Hah, “ich du mei ksetz in si nei, un shreib's uf iahra hatz; ich zayl iahra Gott sei, un si zayla mei leit sei.

3. Mosi 25:19

No gebt's land sei frucht un diah kennet eich foll essa un aus di kfoah datt layva.

3. Mosi 26:4

No gebb ich eich di reyya an iahra zeida, un's land gebt sei frucht un di baym gevva iahra obsht.