Psalm 66:7 - Pennsylvania Dutch Bible

⁷ Eah roold deich sei macht fa'immah, sei awwa vatsha ivvah di heida-lendah. Loss selli es geyyich een sinn sich nett ufshtella fa ebbah sei. (Sela)

Psalm 66:7 Σταυροειδείς Αναφορές

2. Chronik 16:9

Di awwa fumm Hah sayna ivvahrawlich ivvah di eaht fa selli shteik macha es sich folshtendich ivvah-drayya zu eem. Du hosht en dumm ding gedu, un funn nau on zaylsht du greek havva.”

Hiob 9:4

Eah hott grohsi veisheit un is mechtich, veah kann sich geyyich een shtella unni sich selvaht shawda du?

Psalm 11:4

Da Hah is in sei heilichah tempel; em Hah sei kaynich-shtool is im himmel. Sei awwa sayna, mitt sei awwa uf broviaht eah di kinnah funn mensha aus.

Psalm 140:8

Oh Hah, gebb di gottlohsa nett vass si havva vella, helf eena nett mitt vass si im sinn henn, adda si vadda shtols. (Sela)

Psalm 145:13

Dei Kaynich-Reich is en ayvich reich, un dei Kaynich-Macht bleibt deich alli nohch-kummashaft. Da Hah is shtandhaftich in alles es eah fashprocha hott, un gnaydich zu alles es eah gmacht hott.

Psalm 33:13

Da Hah gukt runnah fumm himmel, un saynd awl di kinnah funn mensha.

Psalm 62:11

Ay moll hott Gott kshvetzt, un zvay moll havvich dess keaht: Gott laynich is mechtich.

Psalm 75:6

Nimmand funn di east adda di west, adda funn di vildahnis kann en mann hohch eahra.

2. Mosi 18:11

Nau vays ich es da Hah graysah is es awl di gettah, fa eah hott sich shteikah gvissa vo di Egyptah in iahra hohchmoot, Israel letz gyoost henn.”

Daniel 4:34

Am end funn selli zeit habb ich, da Nebukadnezar, mei awwa nuff geyyich em himmel gedrayt un mei menshlichah fashtand is viddah zrikk kumma. Ich habb da Alli-Haychsht gepreist, un habb di eah un hallichkeit gevva zu sellah es laybt fa'immah. Sei Kaynich-Reich is en ayvich Kaynich-Reich; sei reich zayld shtay funn ayvichkeit zu ayvichkeit.

Daniel 4:35

Awl di leit uf di eaht sinn gezayld es vi nix. Eah dutt vi eah vill, mitt di macht fumm himmel, un mitt di leit funn di eaht. Nimmand kann sei hand zrikk hayva, Adda zu eem sawwa, “Vass hosht du gedu?”

Matthäus 28:18

Un Jesus is kumma un hott ksawt zu eena, “Alli graft im Himmel un uf di eaht is gevva zu miah.

Matthäus 6:13

Un fiah uns nett in di fasuchung, avvah hald uns fumm evila. Fa dei is es Reich, di graft, un di hallichkeit in ayvichkeit. Amen.