Psalm 66:18 - Pennsylvania Dutch Bible

¹⁸ Vann ich evili gedanka in mei meind katt hett, dann hett da Hah mich nett abkeicht.

Psalm 66:18 Σταυροειδείς Αναφορές

Hiob 35:13

Es dutt si kenn goot fa roofa, veil Gott si nett abheicht, un da Awlmechtich fa'acht si.

Hiob 36:21

Gebb acht es du dich nett ivvah-draysht zumm evila, dess es du leevah hetsht es aylend.

Shpricha 15:29

Da Hah is veit vekk funn di gottlohsa, avvah eah heaht's gebayt funn di gerechta.

Shpricha 15:8

Es opfah funn di gottlohsa is grauslich zumm Hah, avvah di gebaydah funn di ufrichticha sinn eem kfellich.

Shpricha 21:13

Veah sei oahra zu shtobt zumm roofes funn di oahma, zayld selvaht aw naus roofa un nett keaht sei.

Shpricha 28:9

Ebbah es sei oah vekk drayt funn's ksetz heahra, macht even sei gebaydah grausam.

Jesoiya 1:15

Vann diah eiyah hend naus hayvet fa bayda, dann mach ich mei awwa zu fannich eich. Ich du dess even vann diah feel baydet; ich heich eich nett ab, veil eiyah hend foll bloot sinn.

Johannes 9:31

Miah vissa es Gott nett abheicht zu sindah, avvah vann ebbah Gott deend un dutt sei villa, dann dutt eah eem abheicha.

Jakobus 4:3

Diah frohwet un greeyet's nett veil diah frohwet mitt letzi gedanka, un veil diah's shpenda vellet uf eiyah aykni blesiah.