Psalm 61:7 - Pennsylvania Dutch Bible

⁷ so es eah immah roold fannich Gott; vatsh ivvah een mitt dei grohsi leevi un voahheit.

Psalm 61:7 Σταυροειδείς Αναφορές

1. Mosi 24:27

un hott ksawt, “Ksaykend sei da Hah, da Gott funn mei meishtah Abraham, deah vo sei bamhatzichkeit un voahheit nett vekk gnumma hott funn mei meishtah. Un da Hah hott mich an's haus funn mei meishtah sei freindshaft kfiaht.”

1. Mosi 32:10

Ich binn's nett veaht fa awl dei bamhatzichkeit un awl dei shtandhaftichkeit es du gvissa hosht zu deim gnecht. Vo ich ivvah da Jordan rivvah kumma binn havvich yusht mei shtokk katt, nau havvich zvay drubba.

2. Samuel 7:26

so es dei nohma grohs sei zayld fa'immah, un leit sawwa zayla, ‘Da Awlmechtich Hah is da Gott funn Israel;’ un's haus funn deim gnecht, da Dawfit, vatt ufksetzt un ohkalda fannich diah.

Psalm 21:5

Sei hallichkeit is grohs deich dei hilf, du hosht eem hohchi kaynich-eah gevva.

Psalm 40:11

Du haldsht dei bamhatzichkeit nett funn miah, oh Hah, loss dei leevi un dei voahheit di gans zeit mich heeda.

Psalm 41:12

Du hosht mich uf kohva veil ich du vass recht is un shtelsht mich ayvichlich fannich dich.

Psalm 43:3

Shikk dei licht un dei voahheit naus, loss si mich fiahra, so es si mich zu dei heilichah hivvel bringa, un an da blatz es du bleibsht.

Psalm 57:3

Eah shikt miah saylichkeit fumm himmel, un zankt selli es mich nunnah dredda. (Sela) Gott shikt sei leevi un voahheit raus.

Shpricha 20:28

Di voahheit un shtandhaftichkeit heeda da kaynich, un gerechtichkeit hald een uf seim kaynich-shtool.

Micha 7:20

Du zaylsht shtandhaftich sei zumm Jakob, un bamhatzich zumm Abraham, so vi du kshvoahra hosht zu unsah foah-feddah in di dawwa lang zrikk.

Lukas 1:33

un eah zayld Kaynich sei ivvah's haus fumm Jakob ayvichlich, un sei Kaynich-Reich zayld kenn end havva.”

Hebräer 9:24

Fa Christus is nett nei ganga in da Heilich-Blatz vo gmacht voah mitt hend, dess vo yusht en ab-bild is fumm voahhafticha. Avvah's voah in da Himmel selvaht es eah ganga is, un eah veist sich nau fannich Gott fa uns.