Psalm 57:6 - Pennsylvania Dutch Bible

⁶ Si henn iahra net ksetzt fa mei shritt fanga, un mei sayl is niddah gebikt. Si henn en loch gegrawva in mei pawt, avvah si selvaht sinn nei kfalla. (Sela)

Psalm 57:6 Σταυροειδείς Αναφορές

1. Chronik 29:10

Da Dawfit hott no da Hah glohbt fannich di gans fasamling, un hott ksawt, “Glohbt bisht du, oh Hah, da Gott funn unsah faddah Israel, un dess is fa'immah un fa'immah.

1. Chronik 29:11

Zu diah, oh Hah, heaht di eah un di graft, di hallichkeit, di kaynich-eah, un alles es im himmel un uf di eaht is. Zu diah, oh Hah, heaht's Kaynich-Reich un du bisht da evvahsht ivvah alles.

Psalm 108:6

Mitt dei rechtsi hand nemm uns aus di kfoah un gebb miah andvat, so es selli es du leeb hosht frei gmacht vadda.

Psalm 140:5

Shtolsi mennah henn en fall ksetzt fa mich, si henn en net ausnannah glaykt, un henn si ufketzt am vayk nohch. (Sela)

Psalm 142:3

Vann's meim geisht angsht vatt, is es dich es mei pawt vayst. Im vayk vo ich lawf henn si en fall ksetzt fa mich.

Psalm 143:4

Fasell is mei geisht shvach in miah, mei hatz in miah hott moot faloahra.

Psalm 145:14

Da Hah haybt awl selli uf es anna falla, un macht selli grawt es nunnah gebohwa sinn.

Psalm 42:6

Mei sayl in miah is bedreebt; fasell denk ich an dich fumm land Jordan, un di hohcha hivla fumm Hermon— fumm Berg Misar.

Psalm 8:2

Aus di meilah funn kinnah un glenni boblen, hosht du macht zugricht geyyich selli es geyyich dich sinn, so es dei feinda un selli es ayva kumma vella shtill sei missa.

Shpricha 28:10

Ebbah es di ufrichticha in en evilah vayk fiaht, zayld in sei aykni fall falla, avvah di unshuldicha zayla en goodi eahbshaft greeya.

Shpricha 29:5

En mann es sei nochbah ohshmaycheld, shpand en net fa sei fees.

Micha 7:2

Di gettlicha leit sinn awl fatt in demm land, 'sis nett ay ufrichtichah mensh ivvahrich. Alli-ebbah is am voahra fa ebbah doht macha, alli-ebbah is am sei broodah hunda mitt en fall.

4. Mosi 14:21

Avvah so voah es ich layb, un so voah es di hallichkeit fumm Hah di gans eaht fild,