Psalm 56:2 - Pennsylvania Dutch Bible

² Mei feinda lawfa uf mich di gans zeit; un feel fechta geyyich mich, oh du Alli-Haychshtah.

Psalm 56:2 Σταυροειδείς Αναφορές

Psalm 3:1

Oh Hah, vi feel sinn selli es mich hassa! Vi feel sinn selli es ufshtayn geyyich mich!

Psalm 35:1

Sei geyyich selli, oh Hah, es geyyich mich sinn; fecht geyyich selli es geyyich mich fechta.

Psalm 41:5

Mei feinda shvetza evil veyyich miah un sawwa, “Vann zayld eah shtauva un sei nohma fagessa sei?”

Psalm 54:5

Eah drayt's evila funn mei feinda zrikk uf si selvaht; un sei shtandhaftichkeit bringd si zu en end.

Psalm 57:3

Eah shikt miah saylichkeit fumm himmel, un zankt selli es mich nunnah dredda. (Sela) Gott shikt sei leevi un voahheit raus.

Psalm 9:2

Ich zayl mich froiya un fraylich sei in diah. Ich zayl lohb singa zu dei nohma, du Alli-Haychshtah.

Psalm 91:1

Sellah es unnich em dach fumm Alli-Haychshta bleibt, zayld im shadda fumm Awlmechticha voona.

Psalm 92:1

Es is goot fa dank gevva zumm Hah, un fa lohb singa zu deim nohma, du Alli-Haychshtah,

Psalm 92:8

Avvah du, oh Hah, bisht fa'immah da haychsht.

Psalm 93:4

Graysah es di yacht funn grohsi vassahra; graysah es di hohcha vella fumm say, is da Hah, hohch un mechtich.

Jesoiya 57:15

Dess is vass da Hohch un Heilich Gott sawkt— deah es ayvich laybt un es da nohma “Heilich” hott: “Ich voon in en hohchah un heilichah blatz, un aw mitt selli es bekeaht un daymeedich im geisht sinn, so es ich da geisht greftich macha kann funn selli es daymeedich sinn, un's hatz funn selli es bekeaht sinn.

Daniel 5:18

Oh kaynich, da Alli-Haychsht Gott hott em Nebukadnezar, dei daett, en kaynich-reich, macht, eah un hallichkeit gevva.

Micha 6:6

Mitt vass soll ich fannich da Hah kumma un mich nunnah bikka fannich em hohch-gachta Gott? Soll ich fannich een kumma mitt brand-opfahra, mitt yoah aldi kelvah?

Di Offenbarung 16:14

Dee fresh sinn geishtah funn deivela. Si doon grohsi zaycha un gayn naus zu awl di kaynicha funn di gans veld, un geddahra si zammah fa fechta uf em grohsa dawk funn Gott Awlmechtich.