Psalm 53:6 - Pennsylvania Dutch Bible

⁶ Oh vann yusht hilf aus Zion kumma dayt fa Israel! Vann Gott moll sei leit frei macht, no dutt da Jakob sich froiya un Israel zayld froh sei.

Psalm 53:6 Σταυροειδείς Αναφορές

Ezra 3:11

Si henn da Hah glohbt un dank gevva zu eem vi si ksunga henn: “Eah is goot; sei leevi zu Israel bleibt fa'immah.” Un awl di leit henn laut gegrisha fa da Hah lohva, veil di mavvah fumm Hah sei haus faddich glaykt voah.

Nehemia 12:43

Uf sellah dawk henn si grohsi opfahra gopfaht mitt frayt veil Gott eena grohsi frayt gevva hott. Di veibsleit un di kinnah henn sich aw kfroit. Di yacht funn dee grohs frayt in Jerusalem hott veit abkeaht sei kenna.

Hiob 42:10

Noch demm es da Hiob gebayda hott fa sei drei freind, hott da Hah eem zrikk gevva vass eah faloahra katt hott. Un nett yusht vass eah faloahra hott, avvah zvay moll so feel es difoah.

Psalm 14:7

Oh vann yusht hilf aus Zion kumma dayt fa Israel! Vann da Hah moll sei leit frei macht, no dutt da Jakob sich froiya un Israel zayld froh sei.

Psalm 50:2

Gott sei hallichkeit sheind raus aus Zion, di shtatt es drivvah-naus shay is.

Psalm 85:1

Du voahsht gnaydich zu deim land, oh Hah, un hosht dei kfangani fumm Jakob zrikk gebrocht.

Shpricha 28:1

Di gottlohsa shpringa fatt even vann nimmand eena nohch is, avvah di gerechta sinn so shuah funn sich selvaht es en layb.

Jesoiya 12:6

Greishet laut un singet mitt frayt, diah leit funn Zion, fa grohs unnich eich is sellah Heilichah funn Israel.”

Jesoiya 14:32

Vass sawkt ma zu selli es kumma frohwa funn di Philishtah? Ma sawkt es da Hah hott Zion ufkokt, in dee shtatt zayla sei leit es leida doon, fridda finna.

Jeremia 30:18

Dess is vass da Hah sawkt: ‘Gukk moll, ich mach em Jakob sei tents viddah frei, un zayl bamhatzich sei uf sei gebeiyah; di shtatt vatt viddah ufgebaut uf iahra aldah shtay haufa, un's kaynich-haus zayld am rechta blatz shtay.

Jeremia 31:23

Dess is vass da Awlmechtich Hah, da Gott funn Israel, sawkt: “Vann ich si moll zrikk bring funn iahra kfengnis, dann zayla di leit im land Juda, un selli in di shtett, dee vadda viddah sawwa: ‘Da Hah sayken dich, du gerechti haymet, du heilichah berg.’

Joel 3:1

“Gukk moll, in selli dawwa un an selli zeit, vann ich Juda un Jerusalem viddah uf bau,

3. Mosi 26:17

Ich setz mei ksicht geyyich eich so es eiyah feinda eich nunnah shlauwa. Selli es eich hassa zayla ivvah eich roola, un diah zaylet shpringa even vann nimmand eich nohch kumd.

3. Mosi 26:36

Un fa selli funn eich es ivvahrich sei zayla, mach ich iahra hatza sich so feicha in di lendah funn iahra feinda, es si shpringa vann da vind en lawb-blatt blohst. Si zayla shpringa vi ebbah am shpringa fumm shvatt un zayla falla, even vann nimmand eena nohch is.

Amos 9:14

Ich zayl Israel, mei kfangani leit, zrikk bringa; si zayla di fadauvana shtett ufbauwa un drinn voona, si zayla vei-goahra blansa un da vei drinka difunn; si zayla goahra macha un's frucht essa difunn.