Psalm 51:3 - Pennsylvania Dutch Bible

³ Fa ich kenn awl mei shulda, un mei sinda sinn immah fannich miah.

Psalm 51:3 Σταυροειδείς Αναφορές

Nehemia 9:2

Un selli funn di nohch-kummashaft funn Israel henn sich fadayld funn awl di fremda. Si henn kshtanna un henn iahra sinda bekend, un aw di ungettlichkeit funn iahra foah-feddah.

Hiob 33:27

Eah singd fannich leit un sawkt, ‘Ich habb ksindicht, un habb gedu vass nett recht is, avvah ich habb nett grikt vass ich fadeend habb.

Psalm 32:5

No habb ich mei sinda bekend zu diah, un habb mei shulda nett zu gedekt. Ich habb ksawt, “Ich bekenn mei ivvah-dreddes zumm Hah,” un du hosht di shuld funn mei sinda vekk gnumma. (Sela)

Psalm 38:18

Ich bekenn mei shulda, un binn engshtlich veyyich mei sinda.

Psalm 40:12

So feel evil es nett gezayld sei kann is um mich rumm; mei sinda henn mich ivvah-gnumma, un ich kann nett sayna. Si sinn may es di hoah uf meim kobb, un mei hatz hott moot faloahra.

Psalm 41:5

Mei feinda shvetza evil veyyich miah un sawwa, “Vann zayld eah shtauva un sei nohma fagessa sei?”

Shpricha 28:13

Veah sei sinda fashtekkeld hald, zayld nett goot du, veah si avvah bekend un falost, find bamhatzichkeit.

Jesoiya 43:25

Ich, yau ich, binn sellah es eiyah ivvah-dreddes sauvah butza dutt fa mich selvaht; un ich denk nimmi an dei sinda.

Jesoiya 59:12

Unsah ivvah-dreddes is ufkeifeld fannich diah; unsah sinda zeiya geyyich uns. Unsah ivvah-dreddes is immah bei uns, un miah vissa veyyich unsah sinda.

Jeremia 3:25

Miah sedda uns anna layya in unsah shohm, un dess shandlich ding uns zu dekka lossa. Miah henn ksindicht geyyich da Hah unsah Gott, miah un unsah foah-feddah, funn yungem uf biss heit; miah henn em Hah unsah Gott nett keicht.”