Psalm 47:5 - Pennsylvania Dutch Bible

⁵ Gott is nuff ganga diveil di leit am greisha voahra mitt frayt. Diveil es di blohs-hanna geblohsa henn, is da Hah nuff ganga.

Psalm 47:5 Σταυροειδείς Αναφορές

2. Samuel 6:15

Da Dawfit un gans Israel voahra am di Bundes-Lawt fumm Hah ruff bringa un voahra am greisha un blohs-hanna blohsa.

1. Chronik 15:24

Di preeshtah Sebania, Josaphat, Nathanael, Amasai, Sacharia, Benaia un Elieser henn sella di blohs-hanna blohsa fannich di Bundes-Lawt funn Gott. Da Obed-Edom un da Jehia henn aw sella doah-heedah sei fa di Bundes-Lawt.

1. Chronik 15:28

So hott gans Israel di Bundes-Lawt fumm Hah ruff gebrocht mitt en grohsi yacht, am greisha un am blohs-hanna blohsa es gmacht voahra aus shohf-bekk hanna, un anri blohs-hanna, mitt cymbals un grohsi un glenni harfa.

1. Chronik 16:42

Da Heman un da Jedithun voahra di ivvah-saynah fumm singes un shpeeles mitt di blohs-hanna un cymbals un anri sacha es gyoost voahra fa singa zu Gott. Em Jedithun sei boova voahra di doah-heedah.

Psalm 150:3

Lohvet een mitt blohs-hanna; lohvet een mitt grohsi un glenni harfa.

Psalm 68:33

zu demm es deich di himla foaht, dee himla es datt voahra fumm ohfang. Eah shvetzt mitt en mechtichi shtimm.

Psalm 78:65

No is da Hah uf gvekt es vi aynah funn seim shlohf, vi en shteikah mann eifahrich vatt funn vei.

Psalm 81:3

Blohset's blohs-hann an di zeit fumm Neiya-Moon un an di zeit fumm folla moon, uf unsah fesht-dawk.

Psalm 98:6

Blohset di trumpets un di hanna, singet mitt frayt fannich em Hah, da Kaynich.

Ezekiel 20:6

Uf sellah dawk habb ich kshvoahra zu eena es ich si aus em land Egypta bringa zayl in en land es ich raus ksucht habb fa si, en land es am lawfa is mitt millich un hunnich un es es shensht funn alli lendah is.

Amos 8:7

Da Hah hott kshvoahra bei sich selvaht, deah es da Jakob so shtols is mitt, “Ich zayl nee nett fagessa vass si gedu henn.

Maleachi 2:3

Gukket, ich zayl eiyah nohch-kummashaft zanka, un zayl misht uf eiyah ksichtah du, da misht funn diahra in eiyah opfahra, un diah vaddet naus uf da misht haufa gedrawwa.

4. Mosi 23:21

Eah hott nix unheiliches ksenna im Jakob, un aw kenn druvvel in Israel. Da Hah iahra Gott is bei eena, un si greisha naus es eah iahra Kaynich is.

1. Korinther 15:52

un dess zayld bletzlich sei, imma awwa-blikk, vann's letsht blohs-hann geblohsa vatt. Fa's blohs-hann vatt geblohsa un di dohda zayla uf shtay, neemols may zu shtauva, un miah zayla awl fa'ennaht sei.

1. Thessalonicher 4:16

Fa da Hah selvaht zayld runnah kumma fumm Himmel mitt en laudah grish, mitt di shtimm fumm haychshta engel, un mitt em blohs-hann funn Gott. Un di dohda in Christus zayla seahsht uf shtay.

1. Timotheus 3:16

Un miah bekenna dess; grohs is dee voahheit es Gott bekand gmacht hott zu uns: Gott hott sich gvissa im flaysh, voah gerecht kaysa im Geisht, voah ksenna bei engel, voah gebreddicht unnich di Heida, voah droh geglawbt in di veld, un voah nuff gnumma in di hallichkeit.

Joshua 6:5

No vann si ay langah blohs macha mitt di shohf-hanna, un vann diah dess hann heahret, no sella awl di leit laut naus greisha, un di vand funn di shtatt fald zammah nunnah. Di leit gayn no nuff un alli-ebbah gayt grawt nei.”

Di Offenbarung 11:15

No hott da sivvet engel sei hann geblohsa, un's voahra laudi shtimma im Himmel vo ksawt henn, “Di kaynich-reicha funn di veld sinn di kaynich-reicha vadda funn unsah Hah un funn sei Christus, un eah zayld Kaynich sei fa immah un immah.”