Psalm 42:9 - Pennsylvania Dutch Bible

⁹ Ich sawk zu Gott, mei Grohsah Felsa, “Favass hosht du mich fagessa? Favass muss ich rumm heah gay am veina un nunnah gedredda sei bei mei feinda?”

Psalm 42:9 Σταυροειδείς Αναφορές

Psalm 13:1

Vi lang, oh Hah? Zaylsht du mich fagessa fa'immah? Vi lang fashtekkelsht du dei ksicht funn miah?

Psalm 18:2

Da Hah is vi en felsa un en shteik greeks-haus zu miah. Eah macht mich frei. Mei Gott is vi en felsa es ich hinna droh shtay kann unni kfoah. Eah is mei shield un's greftich hann funn mei saylichkeit, mei shteikah helfah.

Psalm 28:1

Vann ich roof zu diah, oh Hah, mei Felsa, dray nett en dawb oah zu miah; fa vann du shtill bleibsht, dann vatt ich vi selli es nunnah in's grawb gayn.

Psalm 38:6

Ich binn grumm un ivvah-gebikt, un gay rumm in dreebsawl da gans dawk.

Psalm 43:2

Du bisht da gott funn mei graft, favass hosht du mich vekk kshtohsa? Favass muss ich dravvahlich rumm heah gay, un nunnah gedredda sei bei mei feinda?

Psalm 55:3

veyyich di yacht funn mei feinda, un da shtreit funn di gottlohsa. Fa si bringa druvvel uf mich, un in iahra zann hassa si mich.

Psalm 62:2

Eah laynich is mei Felsa, mei Saylichkeit, un mei feshtah Roo-Blatz. Ich zayl nee nett shtolbahra adda falla.

Psalm 77:9

Hott Gott fagessa fa bamhatzich sei? Hott sei zann da blatz gnumma funn sei bamhatzichkeit?” (Sela)

Psalm 78:35

Si henn gmeind es Gott iahra Felsa is, es da Alli-Haychsht Gott iahra Frei-Shtellah is.

Psalm 88:9

Mei awk vatt dunkel deich dreebsawl; ich roof zu diah alli dawk, oh Hah; ich hayb mei hend naus zu diah.

Psalm 92:3

mitt di zeyya-kshtringd harf, un aw mitt di grohs harf.

Breddichah 4:1

No habb ich viddah gegukt un habb awl's unrecht ksenna es am ohgay voah unnich di sunn: Ich habb's awwa-vassah ksenna funn di nunnah-gedreddana— si henn nimmand fa si drayshta. Di graft voah uf di nunnah-dreddah iahra seit— di nunnah-gedreddana henn kenn drayshtah.

Jesoiya 40:27

Favass shvetzet diah, oh Jakob, un faglawwet eich, oh Israel, un sawwet, “Mei vayk is fashtekkeld fumm Hah, mei Gott is nett bekimmaht veyyich mei recht”?

Jesoiya 49:15

“Kann en maemm iahra kind fagessa an iahra brusht, un nett bamhatzich sei zu's kind es see geboahra hott? Even vann see's fagessa mecht, ich fagess dich nett!