Psalm 42:2 - Pennsylvania Dutch Bible

² Mei sayl hott en dasht fa Gott, fa da levendich Gott; vann kann ich kumma un Gott sei ksicht sayna?

Psalm 42:2 Σταυροειδείς Αναφορές

Hiob 23:3

Vann ich yusht vist vo een zu finna, un zu sei shtool kumma kend.

Psalm 27:4

Ay ding habb ich kfrohkt fumm Hah, sell zayl ich nohch gay: so es ich im Hah sei haus bleiva kann mei layva lang, fa sayna vi shay es da Hah is, un fa een sucha in seim tempel.

Psalm 43:4

No gayn ich an da awldah funn Gott, zu Gott, deah es mei grohsi frayt is; un ich dank dich mitt di harf, oh Gott, mei Gott.

Psalm 63:1

Oh Gott, du bisht mei Gott; ich such dich eahnshtlich. Mei sayl is dashtich fa dich, mei flaysh falangd fa dich vi en drukka un en dah land vo kenn vassah is.

Psalm 63:3

Veil dei grohsi leevi bessah is es layva, dann doon mei leftz dich preisa.

Psalm 84:10

'Sis bessah fa ay dawk im hohf funn deim haus sei, es en dausend eiyets shunsht. Ich vett leevah en deah-heedah sei in mei Gott sei haus, es vi in di tents funn di gottlohsa voona.

Psalm 84:2

Mei sayl hott en falanga un en oahrichah vinsh fa im hohf fumm Hah sei haus sei. Mei hatz un leib froiya sich im levendicha Gott.

Psalm 84:4

Ksaykend sinn selli es in deim haus voona; si sinn immah am dich lohva. (Sela)

Psalm 84:7

Si gayn funn graft zu may graft, biss alli-ebbah fannich Gott kumd in Zion.

2. Mosi 23:17

Drei moll's yoah sella awl dei mansleit fannich da Hah Gottes kumma.

Jesoiya 26:8

Miah voahra uf dich, oh Hah, diveil es miah in dei gericht lawfa. Miah vella an dich un an dei nohma denka, sell is unsah falanga im hatz.

Jeremia 10:10

Avvah da Hah is da recht Gott; eah is da levendich Gott, un da ayvich Kaynich. Vann eah bays vatt, dann shiddeld di eaht; di heida kenna sei zann nett shtenda.

Jeremia 2:13

“Fa mei leit henn zvay moll ksindicht: Si henn mich falossa— di shpring funn levendich vassah— un si henn sich sistahns gegrawva, fabrochani sistahns, es kenn vassah hayva.

Daniel 6:26

Ich mach dess gebott es di leit ivvahrawlich in meim kaynich-reich da Gott fumm Daniel firchta un eahra sella. Eah is da levendich Gott, un zayld nee nett shteahva. Sei Kaynich-Reich gayt nee nett unnah, un sei Kaynich-Macht hott kenn end.

Johannes 5:26

Vi da Faddah layva in sich selvaht hott, so hott eah em Sohn aw's gevva fa layva in sich selvaht havva,

Johannes 7:37

Uf'm letshta un em grayshta dawk fumm fesht is Jesus ufkshtanna un hott eahnshtlich ksawt, “Vann ennich ebbah dashtich is, loss een zu miah kumma un drinka.

1. Thessalonicher 1:9

veil si selvaht fazayla zu uns vi diah uns eignumma hend, un vi diah zu Gott gedrayt sind funn abgettah, fa da levendich un voah Gott deena.

Joshua 3:10

Da Joshua hott veidah ksawt, “Dess is vi diah visset es da levendich Gott unnich eich is un es eah gevislich di Kanaaniddah, di Hethiddah, di Heffiddah, di Pheresiddah, di Girgasiddah, di Amoriddah un di Jebusiddah awl ausdreiva zayld fannich eich.

Di Offenbarung 22:1

No hott da engel miah en revvah fumm vassah funn layva gvissa. Eah voah so kliah es crystal-glaws. Deah revvah is fumm kaynich-shtool funn Gott un em Lamm kumma,