Psalm 40:8 - Pennsylvania Dutch Bible

⁸ Ich froi mich fa dei villa du, oh mei Gott, dei Ksetz is in meim hatz.”

Psalm 40:8 Σταυροειδείς Αναφορές

Hiob 23:12

Ich habb's gebott funn sei leftz nett ivvah-gedredda; di vadda funn sei maul sinn may keshtlich zu miah es ess-sach.

Psalm 112:1

Lohb sei zumm Hah! Ksaykend is da mann es da Hah fircht, sellah es grohsi frayt hott in sei gebodda.

Psalm 119:16

Ich habb frayt in dei gebodda, un zayl dei vatt nett fagessa.

Psalm 119:24

Ich habb frayt mitt dei zeiknisa, si sinn mei roht-gevvah.

Psalm 119:47

Ich habb frayt in dei gebodda, veil ich si leeb habb.

Psalm 119:92

Vann dei ksetz nett mei drohsht gvest veah, dann veah ich kshtauva in mei aylend.

Shpricha 3:1

Mei kind, fagess nett vass ich dich gland habb, un hald mei gebodda in deim hatz.

Jeremia 15:16

Dei vadda voahra kfunna, un ich habb si gessa, dei vadda sinn mei frayt un da drohsht funn meim hatz, fa ich binn kaysa bei deim nohma, oh Hah Awlmechtichah Gott.

Jeremia 31:33

“Avvah dess is es bund es ich macha zayl mitt em haus funn Israel noch selli dawwa;” sawkt da Hah, “ich du mei ksetz in si nei, un shreib's uf iahra hatz; ich zayl iahra Gott sei, un si zayla mei leit sei.

Johannes 4:34

Jesus hott ksawt zu eena, “Mei ess-sach is fa da villa du funn demm vo mich kshikt hott, un fa sei eahvet faddich macha.

Römer 7:22

Ich habb grohsi frayt im Ksetz funn Gott in meim innahlichah mensh.

Römer 8:29

veil selli es eah foah-groofa katt hott, hott eah aw foah-ksetzt fa gleich sei vi sei Sohn, so es eah da eahsht-geboahra is funn feel breedah.

2. Korinther 3:3

Fa diah veiset es diah en breef funn Christus sind deich unsah deensht vo kshrivva is, nett mitt dinda, avvah mitt em levendicha Geisht Gottes, nett in shtay-tablets, avvah in flayshlichi tablets funn leit iahra hatza.