Psalm 38:12 - Pennsylvania Dutch Bible

¹² Selli es mich doht macha vella, shtella falla fa mich; selli es miah vay du vella shvetza veyyich miah shawda du, un si macha aus da gans dawk vi si mich ohfiahra vella.

Psalm 38:12 Σταυροειδείς Αναφορές

Hiob 19:13

Eah hott mei breedah veit vekk gedu funn miah, ich binn fremd zu selli es mich gekend henn.

Psalm 10:9

Eah fashtekkeld sich vi en layb am voahra; eah voaht datt fa selli fanga es sich nett helfa kenna. Eah fangd si un shlayft si fatt in sei net.

Psalm 119:110

Di gottlohsa henn en shtrikka-shling ksetzt fa mich, avvah ich habb dei adnunga nett falossa.

Psalm 140:5

Shtolsi mennah henn en fall ksetzt fa mich, si henn en net ausnannah glaykt, un henn si ufketzt am vayk nohch. (Sela)

Psalm 141:9

Hald mich aus di fall es si ksetzt henn fa mich, funn di fang-shtrikk funn evil-shaffah.

Psalm 31:12

Ich binn fagessa vi ebbah es doht is; ich binn vi en fabrocha shtikk ksha.

Psalm 35:20

Si shvetza nett mitt fridda, avvah sawwa falshi vadda geyyich di shtilla im land.

Psalm 35:4

Loss selli sich shemma un fashtatzt vadda, es mei layva nemma vella. Loss selli zrikk gedrayt sei mitt angsht, es evil im sinn henn geyyich mich.

Psalm 41:5

Mei feinda shvetza evil veyyich miah un sawwa, “Vann zayld eah shtauva un sei nohma fagessa sei?”

Psalm 54:3

Shtolsi leit henn sich ufkshteld geyyich mich; unfashtendlichi mennah vella mei layva nemma; si henn Gott nett fannich sich ksetzt. (Sela)

Psalm 69:9

Di leevi fa dei haus hott mich innahlich fazeaht, un di evila kshvetzah veyyich diah sinn nau uf mich kfalla.

Psalm 88:9

Mei awk vatt dunkel deich dreebsawl; ich roof zu diah alli dawk, oh Hah; ich hayb mei hend naus zu diah.

Shpricha 19:7

En oahmah mann is kast bei sei breedah; vi feel may doon sei freind sich vekk halda funn eem! Eah gayt eena nohch mitt vadda, avvah si kenna nett kfunna sei.