Psalm 32:3 - Pennsylvania Dutch Bible

³ Vo ich shtill voah veyyich mei sinda, sinn mei gnocha shiah ausgvoahra deich mei geyammah da gans dawk lang.

Psalm 32:3 Σταυροειδείς Αναφορές

2. Samuel 11:27

Vo see moll ivvah iahra dreebsawl voah, hott da Dawfit see ruff gebrocht an sei haus un see is sei fraw vadda. No hott see en kind katt bei eem. Avvah dee sach es da Dawfit gedu hott voah evil zumm Hah.

Hiob 3:24

Fa in blatz funn essa muss ich hatt shnaufa, mei geyammah lawft raus vi vassah.

Hiob 30:17

Deich di nacht boaht's deich mei gnocha, un di shmatza es an miah fressa, shlohfa nett.

Hiob 30:30

Mei haut drayt shvatz, un mei gnocha brenna mitt feevah.

Psalm 22:1

Mei Gott, mei Gott, favass hosht du mich falossa? Favass bleibsht du so veit vekk mitt dei hilf? Un favass fa'achtsht du di vadda es ich am yammahra binn?

Psalm 38:3

Es is nix ksundes in meim leib deich dei zann, un's is kenn fridda in mei gnocha deich mei sinda.

Psalm 38:8

Ich binn matt un alles fadrikt; ich yammah veil mei hatz unruich is.

Psalm 51:8

Loss mich frayt un freyyaheit heahra, loss di gnocha es du fabrocha hosht sich froiya.

Psalm 6:2

Sei bamhatzich zu miah, oh Hah, fa ich binn shvach; hayl mich, oh Hah, mei gnocha sinn gedruvveld.

Shpricha 17:22

En fraylich hatz macht ebbah ksund, avvah en bedreebdah geisht drikkeld di gnocha uf.

Shpricha 28:13

Veah sei sinda fashtekkeld hald, zayld nett goot du, veah si avvah bekend un falost, find bamhatzichkeit.

Jesoiya 51:20

Dei kinnah sinn ummechtich, si leiya am ekk funn alli shtrohs vi en hash es kfanga is in en net. Si sinn foll mitt em zann fumm Hah un em zank funn deim Gott.

Jesoiya 57:17

Ich voah zannich veil eah so sindlich un greedich voah, ich habb een kshtrohft, un mei ksicht fashtekkeld in meim zann. Avvah eah hott ohkalda vekk drayya, un sei ayya hatz nohch gay.

Jesoiya 59:11

Miah gnarra vi beahra, miah yammahra vi dauva; miah gukka fa unsah recht, avvah finna's nett, fa saylichkeit, avvah's is veit vekk.

Glawk-Leedah 1:3

Juda is kfanga un in deefi dreebsawl, see muss di ausahra shveah deena. See voond unnich di heida, un find kenn roo. Iahra fafolyah henn see kfanga, es is kenn vayk fa vekk.

Glawk-Leedah 3:4

Eah hott mei flaysh un haut ald gmacht, un hott mei gnocha fabrocha.

Glawk-Leedah 3:8

Even vann ich roof un frohk fa hilf, macht eah sei oahra zu zu mei gebayt.

Hosea 7:14

Si roofa nett zu miah mitt ufrichtichi hatza, avvah si yammahra uf iahra beddah. Si kumma zammah fa frucht un neiyah vei, avvah drayya sich vekk funn miah.

1. Samuel 31:13

Si henn iahra gnocha no gnumma un henn si fagrawva unnich en bohm in Jabes. No henn si kfasht fa sivva dawk.