Psalm 29:3 - Pennsylvania Dutch Bible

³ Di shtimm fumm Hah drawkt ivvah di vassahra, da Gott funn hallichkeit dimmeld, da Hah dimmeld ivvah di grohsa vassahra.

Psalm 29:3 Σταυροειδείς Αναφορές

Hiob 36:33

Di yacht fumm gviddah gebt en vanning fumm shtoahm, even's fee vayst vass am kumma is.”

Hiob 40:9

Hosht du en oahm vi Gott, un hosht du en shtimm es dimmeld vi seini?

Psalm 104:3

du hosht di balka funn dei haymet gebaut uf di vassahra ovvich uns; du foahsht uf di volka vi uf en vauwa, un fleeksht uf di flikkel fumm vind;

2. Mosi 19:16

No uf'm meiya fumm dridda dawk voah's am dimla un gviddahra, un's voah en dikki volk ivvah da berg. En laut blohs-hann hott geblohsa, un awl di leit henn geziddaht.

2. Mosi 9:28

Baydet zumm Hah. Miah henn genunk funn Gott sei gviddah un shlohsa. Ich loss eich gay; diah brauchet nimmi do bleiva.”

2. Mosi 9:33

So is da Mosi aus di shtatt, vekk fumm Pharao ganga un hott sei hend naus kshtrekt zumm Hah. No hott's gviddah un di shlohsa kshtobt, un da reyya is nimmi runnah gleaht uf di eaht.

Johannes 12:29

Di leit vo dibei kshtanna henn, henn dess keaht un henn ksawt's hott gedimmeld. Anri henn ksawt, “En engel hott kshvetzt zu eem.”

Di Apostelgeschichte 7:2

Da Stephen hott ksawt, “Heichet moll, breedah un feddah, da Gott funn hallichkeit is zu unsah faddah Abraham kumma vo eah noch in Mesopotamia voah, eb eah in Haran gvoond hott.

Di Offenbarung 11:19

No voah da tempel funn Gott uf gmacht im Himmel, un di Bundes-Lawt funn seim teshtament voah ksenna datt. Un's voahra shtrawla funn veddah-laych, un shtimma, un gviddah, un en eaht-bayben un grohsi shlohsa.

Di Offenbarung 16:18

Un's voahra shtimma, un shtrawla funn veddah-laych, un dimmel un en grohsi eaht-bayben. Kenn eaht-bayben voah selayva so grohs siddah es leit uf di eaht sinn.

Di Offenbarung 19:6

Ich habb no en shtimm keaht vass glaut hott vi en grohsi drubb, vi en shtimm funn en grohs vassah un en shtimm funn laut gviddah am naus greisha, “Halleluja! Unsah Hah, da Awlmechtich Gott, is nau Kaynich fumm reich.

Di Offenbarung 4:5

Un funn demm kaynich-shtool sinn shtrawla funn veddah-laych un gviddah kumma, un aw shtimma. Fannich em kaynich-shtool voahra sivva lichtah am brenna mitt feiyah. Dee sinn di sivva Geishta funn Gott.

Di Offenbarung 8:5

No hott da engel's insens-kobli gnumma, hott's kfild mitt feiyah fumm awldah un hott's uf di eaht kshmissa. Un's voahra shtimma, gviddah, veddah-laycha un en eaht-bayben.

1. Samuel 7:10

Diveil es da Samuel am's brand-opfah opfahra voah, sinn di Philishtah ruff kumma fa Israel fechta. Avvah sellah dawk hott da Hah gedimmeld mitt laudah dimmel geyyich di Philishtah un hott si fagelshtaht, so es si gyawkt voahra fannich Israel.