Psalm 26:10 - Pennsylvania Dutch Bible

¹⁰ mennah es evili vayya shund in iahra hend henn, un doon sich geahn ab kawfa lossa.

Psalm 26:10 Σταυροειδείς Αναφορές

Psalm 10:14

Avvah du dusht's sayna; du nemsht's acht vann's druvvel un dreebsawl hott, so es du's in dei hand nemma kansht. Sellah es sich nett helfa kann gebt sich ivvah zu diah; du bisht en helfah zu selli unni eldra.

Psalm 11:2

Gukk moll, di gottlohsa zeeya iahra bow zrikk; si setza iahra arrows fa sheesa, fa sheesa im dunkla geyyich di gerechta.

Psalm 36:4

Si henn gottlohsi sacha im sinn diveil es si im bett sinn; si gayn naus uf en vayk es nett goot is, un si drayya evil nett nunnah.

Psalm 52:2

Dei zung macht shawda; si is vi en shaufah raysah, du fafiahrah.

2. Mosi 23:8

Du solsht kenn geld nemma fa leeya sawwa in di court. So geld macht selli blind es sayna, un fadrayt di vadda funn di gerechta.

Shpricha 1:16

Iahra fees shpringa zumm evila, si sinn kshvind am bloot fageesa.

Shpricha 4:16

Fa si kenna nett shlohfa biss si evil gedu henn; si sinn fumm shlohf kalda biss si ebbah gmacht henn shtolbahra.

Jesoiya 33:15

Sellah es lawft in gerechtichkeit, un shvetzt vass recht is, sellah es uneahlich geld nunnah drayt, un lost sei hand nett kshenkah nemma hinna rumm, sellah es nett abheicht zu selli es leit umbringa vella, un sellah es nett uf evil gukt.

Amos 5:12

Fa ich vays vi oft es diah ivvah-dreddet, un vi grohs es eiyah sinda sinn. Diah drikket di gerechta nunnah un nemmet geld hinna rumm, un haldet di oahma funn iahra recht greeya in di richts-bletz.

Micha 7:3

Iahra zvay hend sinn goot droh am letz du; di roolahs frohwa fa geld, un di richtah nemma geld hinna rumm. Di mechticha un reicha leit sawwa eena vass zu du, so shaffa si awl zammah.

Di Apostelgeschichte 23:12

Vo's dawk voah sinn samm funn di Yudda zammah ganga un henn kshvoahra fa nett essa adda drinka biss si da Paulus doht gmacht henn.

5. Mosi 16:19

Diah sellet nett unnahshidlich sei in eiyah gericht, un sell vass recht is nett beeya. Diah sellet kenn kshenkah nemma hinna rumm, fa so kshenkah fablenna di awwa funn selli mitt veisheit un fadrayya di vadda funn di gerechta.

1. Samuel 8:3

Avvah sei boova sinn nett in seim vayk gloffa. Si voahra nett eahlich, henn geld gnumma hinna rumm fa sich selvaht un henn aw nett eahlich gricht.