Psalm 26:1 - Pennsylvania Dutch Bible

¹ Shaff's recht aus fa mich, oh Hah, fa ich habb en unshuldich layva kfiaht, un ich habb mei hofning in dich gedu unni zveifla.

Psalm 26:1 Σταυροειδείς Αναφορές

2. Kaynicha 20:3

“Meindsht du, oh Hah, vi ich shtandhaftich gloffa binn fannich diah mitt en folkumma hatz un habb gedu vass diah kfellich voah?” Un da Hiskia hott biddahlich keild.

Hiob 2:3

No hott da Hah ksawt zumm Satan, “Hosht du acht katt funn meim gnecht da Hiob? 'Sis nimmand uf di eaht vi een. Eah is unshuldich un ufrichtich, en mann es Gottes-furcht in sich hott, un sich vekk hald funn evil. Du hosht mich nei kshvetzt fa dich lossa een fadauva unni uahsach, avvah eah is alsnoch shtandhaftich.”

Hiob 4:6

Sett nett dei Gottes-furcht dich shteik psunna macha, un dei unshuldichi vayya diah hofning gevva.

Psalm 121:3

Eah zayld dei foos nett shlibba lossa, un sellah es dich heet dutt nett shlohfa.

Psalm 15:2

Sellah es unshuldich is, un dutt vass recht is. Sellah es di voahret sawkt fumm hatz.

Psalm 21:7

Da kaynich dutt sei fadrauwa in da Hah, un deich di bamhatzich leevi fumm Alli-Haychshta shtayt eah shtandhaftich.

Psalm 25:2

Oh mei Gott, ich du mei fadrauwa in dich, loss mich nett zumm shohm gebrocht sei, un loss mei feinda sich nett froiya ivvah mich.

Psalm 25:21

Loss unshuld un ufrichtichkeit mich heeda, veil mei hofning in diah is.

Psalm 26:11

Avvah fa mich, ich fiah en unshuldich layva, mach mich saylich, un sei gnaydich zu miah.

Psalm 28:7

Da Hah is mei graft un mei shield; mei hatz draut eem, un eah hott miah kolfa. Mei hatz is fraylich, un ich dank een am singa.

Psalm 31:14

Avvah ich glawb an dich, oh Hah; ich sawk, “Du bisht mei Gott.”

Psalm 35:24

Richt mich, oh Hah mei Gott, noch dei gerechtichkeit, un loss si nett sich froiya ivvah mich.

Psalm 37:31

es ksetz funn sei Gott is in seim hatz, un sei fees doon nett shlibba.

Psalm 4:5

Opfahret gerechti opfahra, un doond eiyah fadrauwa in da Hah.

Psalm 43:1

Shaff's aus fa mei recht, oh Gott, un nemm mei sacha uf geyyich en ungettlich folk, mach mich frei funn zvay-ksichtichi un falshi mensha.

Psalm 54:1

Helf miah, oh Gott, deich dei nohma; deich dei graft shaff aus mei recht fa mich.

Psalm 62:2

Eah laynich is mei Felsa, mei Saylichkeit, un mei feshtah Roo-Blatz. Ich zayl nee nett shtolbahra adda falla.

Psalm 62:6

Eah laynich is mei Felsa, mei Saylichkeit un mei feshtah Roo-Blatz. Ich zayl nee nett shtolbahra adda falla.

Psalm 7:8

Da Hah richt di mensha. Richt mich, oh Hah, noch mei gerechtichkeit un unshuld.

Psalm 94:18

Vo ich ksawt habb, “Mei foos is am shlibba,” dann hott dei shtandhaftichi-leevi mich uf kohva, oh Hah.

Shpricha 20:7

Da gerecht mann fiaht en unshuldich layva, un ksaykend sinn sei kinnah noch eem.

Shpricha 29:25

Di furcht fumm mensh setzt en fall, avvah veah sich falost uf da Hah, bleibt aus di kfoah.

2. Korinther 1:12

Nau dess is unsah frayt: unsah innahlich zeiknis sawkt uns es miah henn uns uf kfiaht in di veld mitt heilichkeit un gettlichah eahnsht, nett mitt menshlichi veisheit avvah in di gnawt funn Gott; un unsah lawf voah even may so geyyich eich.

Hebräer 10:23

Losset uns fesht hayva zu di bekendnis funn unsah hofning unni zveifla, fa deah vo fashprocha hott is shtandhaftich.

1. Petrus 1:5

Diah sind kalda bei di macht funn Gott deich da glawva zu di saylichkeit vo abgedekt sei zayld an di letsht zeit.

2. Petrus 1:10

Fasell, leevi breedah, seind fleisich fa eiyah beroof un avaylung fesht macha. Vann diah dess doond dann doond diah nee nett shtolbahra.

1. Samuel 2:9

Eah heet di fees funn sei heilichi, avvah di gottlohsa vadda shtill gmacht im dunkla; fa deich macht dutt mann nett ivvah-kumma.

1. Samuel 24:15

Loss da Hah unsah richtah sei un richta zvishich miah un diah. Loss een mei sacha nohch-sucha, un mei recht uf hayva un mich aus di kfoah funn dei hand nemma.”